Pag-ampo sa Kagabhion, Bisaya

 Sa ngalan sa Amahan,
sa Anak ug sa Espiritu Santo.

Amen

Ginoong Jesukristo, nagpasalamat ako kanimo

tungod sa tanang mga grasya nga imong gipaambit

kanako karong adlawa.

Daghan kaayong salamat sa imong paglig-on kanako Lord,

ilabi na sa mga kalisdanan nga akong naagian karong adlawa.

Daghan usab kaayong salamat Ginoo,

sa imong walay puas na panalangin ug sa paghatag nimo kanako

sa kalampusan nga akong gitunguha karong adlawa

bisan pa man sa tanang mga pagsulay nga akong naagian.

Daghan kaayong salamat sa paghatag nimo kanako

ug taas nga pasensya nga makasabot ako, ug mahinahon

nga mopadayon sa akong mga tinguha, ug wala mo 

gayod ako pakyasa Ginoo. Daghan kaayong Salamat.

Kini akong gipasalamatan pinaagi sa pangaliya ni Mama Mary.

Amen.

Sa ngalan sa Amahan, sa anak ug sa Espiritu Santo. 

Amen

Pag-ampo alang sa May Sakit

 Among Langitnon ug Mahigugmaong Amahan,

Tuburan sa gugma ug kalooy. Ginoo, mangamuyo

kame kanimo sa kinasingkasing, nga imo untang

hupayon sa iyang balatian ang among igsoon nga si.......

Tabangi siya Lord nga mamaayo siya sa iyang sakit.

Hupaya ang iyang gibati Lord ug manghinaot ako,

nga mamaayo siya sa iyang balatian,

Lord, pasayloa usab siya sa iyang mga kalapasan nga

Nahimo. Pasayloa siya Lord sa iyang mga kakulangan

nganha kanimo, nga sa panahon imo siyang 

gitawag sa pagpaduol kanimo, nipahilayo hinoon.

Lord, tabangi siya nga mahisubay na siya sa matarong nga

dalan ug madan-agan mo siya sa kahayag.

Amen