February 24, 2023, Santos nga Ebanghelyo Cebuano / Bisaya

PAGBASA GIKAN SA SANTOS NGA EBANGHELYO SUMALA NI MATEO (Mt. 9:14-15)

Unya miadto kang Jesus ang mga tinun-an ni Juan Magbubunyag ug nangutana, "Ngano man nga kami ug ang mga Pariseo masubsob nga nagpuasa, apan wala magpuasa ang imong mga tinun-an?"

Si Jesus mitubag, "Naghunahuna ba diay kamo nga magsubo ang mga dinapit sa kombira sa kasal samtang ang pamanhonon uban pa kanila? Dil gayod? Apan moabot ang panahon nga ang pamanhonon kuhaon gikan kanila, ug magpuasa na unya sila."

ANG EBANGHELYO SA GINOO.

DAYGON KO IKAW O CRISTO.

February 24, 2023, Salmo Responsoryo Bisaya/Cebuano

TUBAG:

USA KA MAHINULSOLON UG MAPAUBSANON NGA KASINGKASING, O DIOS, DILI NIMO TAMAYON.

Kaloy-i ako, O Dios, diha sa imong kaayo;/ sa kadako sa imong kaluoy papasa ang akong kalapasan./ Hugasi akog maayo sa akong kasaypanan/ ug linisi ako sa akong kasal-anan.

TUBAG:

USA KA MAHINULSOLON UG MAPAUBSANON NGA KASINGKASING, O DIOS, DILI NIMO TAMAYON.

Kay giila ko ang akong kalapasan,/ ug ang akong sala kanunay ania sa akong atubangan:/ "Kanimo lamang nakasala ako, ug nakabuhat ug dautan sa imong atubangan."

TUBAG:

USA KA MAHINULSOLON UG MAPAUBSANON NGA KASINGKASING, O DIOS, DILI NIMO TAMAYON.

Kay dili ikaw mahimuot sa mga sakripisyo;/ kon maghalad ako ug halad nga sinunog, dili ikaw modawat niini./ Ang akong sakripisyo, O Dios, mao ang mahinulsulon nga espiritu;/ usa ka kasingkasing nga mahinulsulon ug mapaubsanon, O Dios, dili nimo tamayon.

TUBAG:

USA KA MAHINULSOLON UG MAPAUBSANON NGA KASINGKASING, O DIOS, DILI NIMO TAMAYON.

February 23, 2023, Salmo Responsoryo Cebuano/Bisaya

TUBAG:

BULAHAN SILA NGA NAGALAUM SA GINOO.

Bulahan ang tawo nga wala magsunod sa tambag sa dautan/ Ni maglakaw sa dalan sa makasasala,/ ni makig-uban sa mga walay ulaw./ Kondili nalipay pagpalandong sa balaod sa Ginoo adlaw ug gabii./

TUBAG:

BULAHAN SILA NGA NAGALAUM SA GINOO.

Sama siya sa usa ka kahoy nga gitanom duol sa masulog nga tubig,/ Nga nagahatag sa iyang bunga sa tingbunga,/ ang iyang dahon dili gayod malarag./ (Bisag unsay iyang buhaton molampos)

TUBAG:

BULAHAN SILA NGA NAGALAUM SA GINOO.

Dili ingon niini ang dautan, dili gayod;/ sama sila sa tahop nga paliron sa hangin./ Kay ang Ginoo nagabantay sa dalan sa matarong,/ apan nagalaglag sa dalan sa dautan.

TUBAG:

BULAHAN SILA NGA NAGALAUM SA GINOO.

February 23, 2023, Santos nga Ebanghelyo Cebuano/Bisaya

HUWEBES HUMAN SA BADLIS

PAGBASA GIKAN SA SANTOS NGA EBANGHELYO SUMALA NI LUCAS

Si Jesus miingon sa iyang mga tinun-an, "Ang Anak sa Tawo kinahanglan nga mag-antos pag-ayo ug isalikway sa mga punoan sa mga Judio, sa mga kadagkoan sa mga pari, ug sa mga magtutudlo sa Balaod. Patyon siya ug banhawon sa ikatulo ka adlaw."

Ug miingon siya sa tanan, "Kon may buot mosunod kanako, kinahanglan nga magdumili siya sa iyang kaugalingon, magpas-an sa iyang krus sa tanang adlaw, ug magsunod kanako. Kay ang buot magluwas sa iyang kaugalingong kinabuhi kawad-an hinoon niini, apan ang kawad-an sa iyang kinabuhi tungod kanako magluwas niini. Aduna bay makuha sa tawo kon maiya ang tibuok kalibutan apan mawala ang iyang kinabuhi? Wala Gayod!"

ANG EBANGHELYO SA GINOO.

DAYGON KO IKAW O CRISTO.

February 22, 2023, Salmo Responsoryo Cebuano/Bisaya

TUBAG:

MALUOY KA GINOO, KAY NAKASALA KAMI

Kaloy-i ako, O Dios, diha sa imong kaayo;/ sa kadako sa imong kaluoy papasa ang akong kalapasan./ Hugasi akog maayo sa akong kasaypanan,/ ug linisi ako sa akong kasal-anan.

TUBAG:

MALUOY KA GINOO, KAY NAKASALA KAMI

Kay giila ko ang akong kalapasan,. ug ang akong sala kanunay ania sa akong atubangan:/ "Kanimo nakasala ako,/ ug nakabuhat og dautan sa imong atubangan."

TUBAG:

MALUOY KA GINOO, KAY NAKASALA KAMI

Usa ka malinis nga kasingkasing gawas dinhi kanako,/ O Dios,/ ug usa ka makanunayong espiritu bag-oha sulod kanak./ Ayaw ako isalikway sa imong atubangan,/ ug ayaw kuhaa gikan kanako ang imong balaang espiritu.

TUBAG:

MALUOY KA GINOO, KAY NAKASALA KAMI

Ibalik kanako ang kasadya sa imong kaluwasan,/ ug padaona dinhi kanako ang mauyonong espiritu./ O Ginoo, ablihi ang akong mga ngabil,/ ug ang akong baba magsangyaw sa imong pagdayeg.

TUBAG:

MALUOY KA GINOO, KAY NAKASALA KAMI

February 22, 2023, Santos nga Ebanghelyo - Miyerkoles sa Badlis

PAGBASA GIKAN SA SANTOS NGA EBANGHELYO SUMALA NI MATEO (Mt. 6:1-6,16-18)

Si Jesus miingon sa iyang mga tinun-an: "Ayaw gayod ninyo buhata ang inyong mga tulomanon sa relihiyon aron lamang makita sa mga tawo. Kon ingnon ninyo niini pagbuhat, dili kamo makadawat ug ganti gikan sa inyong Amahan nga atua sa langit."

"Busa kon mohatag kamo sa tawong kabus, ayaw kini ipasigarbo ingon sa gibuhat sa mga hambugiro sulod sa mga sinagoga ug sa kadalanan. Nagbuhat sila niini aron daygon sa mga tawo. Apan sultihan ko kamo nga ang naghimo sa ingon gigantihan na. Kon ugaling motabang ka sa usa ka tawong kabus, himo kini sa paagi nga bisan ang imong labing suod nga higala dili masayod niini. Himoa kini sa tago ug ang imong Amahan nga nagtan-aw sa imong gibuhat sa tago, moganti kanimo."

February 21, 2023, Salmo Responsoryo

TUBAG:

ITUGYAN ANG INYONG KINABUHI NGADTO SA GINOO, UG TABANGAN KAMO NIYA.

Salig sa Ginoo ug pagbuhat sa maayo,/ aron magpuyo ikaw sa yuta ug maghimulos sa kalinaw./ Paglipay diha sa Ginoo,/ ug hatagan ka niya sa mga tinguha sa imong kasingkasing.

TUBAG:

ITUGYAN ANG INYONG KINABUHI NGADTO SA GINOO, UG TABANGAN KAMO NIYA.

Ang Ginoo nagabantay sa mga kinabuhi sa matarong;/ ang ilang kabilin nagalungtad sa kahangturan./ Dili sila maulaw diha sa dautang panahon;/ sa mga adlaw sa gutom nagpuyo sila sa kabuhong.

TUBAG:

ITUGYAN ANG INYONG KINABUHI NGADTO SA GINOO, UG TABANGAN KAMO NIYA.

Likaye ang dautan ug pagbuhat sa maayo/ aron mabuhi ka sa kahangturan;/ Kay ang Ginoo mahigugma sa matarong/ ug dili mobiya sa mga maunongon kaniya.

TUBAG:

ITUGYAN ANG INYONG KINABUHI NGADTO SA GINOO, UG TABANGAN KAMO NIYA.

Ang kaluwasan sa matarong gikan sa Ginoo;/ siya ang ilang dalangpanan sa panahon sa kaguol./ Ug ang Ginoo nagatabang  kanila ug nagaluwas kanila;/ nagapalingkawas siya kanila sa dautan ug nagaluwas kanila,/ kay nagadangop man sila kaniya.

TUBAG:

ITUGYAN ANG INYONG KINABUHI NGADTO SA GINOO, UG TABANGAN KAMO NIYA.