Ang mga tinun-an nakalimot sa pagdalag pan; apan didtoy usa ka buok pan sa sakayan. Unya miingon si Jesus kanila, "Pagbantay kamo sa igpapatubo sa pan sa mga Pariseo ug ni Herodes."
Nahibalo si Jesus kon unsay ilang gipanagsultian, busa gipangutana niya sila, "Nganong naghisgot man kamo mahitungod sa inyong wala pagpakadalag pan? Wala ba gihapon kamo makasabut? Bugo naba gayod kamo kaayo? May mga mata man unta kamo---dili ba kamo makakita?May mga dalunggan man unta kamo---- dili ba kamo makadungog? Wala ba kamo mahinumdom sa akong pagpikaspikas sa lima ka pan alang sa lima ka libo ka mga tawo? Pila ka bukag ang napuno sa mga salin nga inyong nahipos?"
"Napulog-duha," mitubag sila. "Ug sa akong pagpikaspikas sa pito ka pan alang sa upat ka libo ka mga tawo, pila ka bukag ang napuno sa mga salin nga inyong nahipos?" "Pito", mitubag sila.
"Ug wala pa ba gihapon kamo makasabut?" miingon siya kanila.
ANG EBANGHELYO SA GINOO.
DAYGON KO IKAW O CRISTO.
No comments:
Post a Comment