EBANGHELYO: PAGBASA GIKAN SA SANTOS NGA EBANGHELYO SUMALA NI MATEO (MAT. 12-23)
Sa pagkadungog ni Jesus nga gibilanggo si Juan, miadto siya sa Galilea. Mibiya siya sa nazaret ug dito puyo sa Capernaum, usa ka lungsod nga daplin sa lanaw sa Galilea, sa kayutaan sa Zabulon ug Neftali. Sa ingon natuman ang gisulti ni Propteta Isaias:
" Yuta sa Zabulon ug yuta sa Neftali,
Agianan padulong sa dagat, tabok sa Jordan
Galilea sa mga dili Judio!
Ang mga tawo nga nagpuyo sa kangitngit
Nakakitag dakong kahayag!
Kanila nga nagpuyo sa mangitngit nga yuta sa kamatayon
Modan-ag ang kahayag!"
Sukad niadto si Jesus nagwali nga nag-ingon, "Hinulsuli ang inyong mga sala, kay hapit nag maghari ang Dios!"
Samtang naglakaw si jesus daplin sa Lanaw sa Galilea, nakita niya ang duha ka managsuon nga mananagat, si Simon (nga ginganlag Pedro) ug si Andres nga iyang igsuon, nga namukot. Si Jesus miingon kanila, "Kuyog kamo kanako ug tudloan ko kamo sa pagpanagat ug mga tawo." Dihadiha gibiyaan nila ang ilang mga pukot ug mikuyog kaniya.
Mipadayon siya paglakaw ug nakita niya ang laing duha ka magsuon, si Santiago ug si Juan nga mga anak ni Sebedeo. Didto sila sa ilang sakayan uban sa ilang amahan, nagpuna sila sa ilang mga pukog. Gitawag sila ni Jesus ug dihadiha gibiyaan nila ang ilang sakayan ug ang ilang amahan, ug mikuyog sila kaniya.
Si Jesus misuroy sa tibuok Galilea ug nagtudlo sulod sa ilang mga sinagoga, ug nagwali sa Maayong Balita bahin sa paghari sa Dios, ug nag-ayo sa mga masakiton.
ANG EBANGHELYO SA GINOO.
DAYGON KO IKAW, O CRISTO.
UNANG PAGBASA: PAGBASA GIKAN SA BASAHON NI PROPETA ISAIAS (Is. 9:1-14)
Sa miaging panahon gipakaulawan niya ang Zabulon ug ang Neftali, apan sa umaabot nga mga adlaw himoon niyang nindot ang agianan latas sa dagat, ug ang yuta unahan sa Jordan, ang Galilea nga gipuy-an sa mga langyaw. Ang katawhan nga kaniadto naglakaw sa kangitngit nakakitag dakong kahayag; ang nagpuyo sa mangiob nga dapit gisidlakan na sa kahayag. Gipadaghan mo ang molupyo sa nasod, Ginoo, nagmaya sila diha sa imong atubangan; sama sa pagmaya sa mga tawo inigkating-ani ug ingon nga maglipay ang mga tawo inigbahinbahin nila sa ilang inilog. Kay gigupok mo sama sa nahitabo sa Midian ang yugo nga iyang gisangon ug ang karga nga iyang gipas-an ug ang garoti sa nagdaugdaog kaniya.
ANG PULONG SA GINOO.
SALAMAT SA DIOS
IKADUHANG PAGBASA: PAGBASA GIKAN SA UNANG SULAT NI SAN PABLO NGADTO SA TAGA-CORINTO (1 Cor. 1:10-13, 17)
Mga igsuon, sa ngalan sa atong Ginoong JesuCristo, naghangyo ako kaninyo nga uyunan ninyong tanan ang inyong gisulti aron walay pagkabahinbahin diha kaninyo. Paghiusa gayod kamo diha sa usa ka hunahuna ug tumong. Kay gibalitaan ako sa pipila ka sakop sa panimalay ni Cloe nga kamo nagbingkilbingkil. Ang buot kong ipasabut mao nga nagkalinlain ang gisulti sa usag-usa kaninyo. Ang usa moingon, "Dapig ako ni Pablo", ang usa usab moingon, "Dapig ako ni Pedro"; ug adunay nag-ingon, "Dapig ako ni Cristo." Nabahinbahin ba diay si Cristo? Si Pablo ba diay ang gilansang sa krus tungod kaninyo? Gibunyagan ba kamo sa ngalan ni Pablo?
Si Cristo wala magpadala kanako aron ako mamunyag, kondili aron magsangyaw sa Maayong Balita, dili ginamit ang mga pulong nga lisod sabton, aron dili mawagtang ang gahom sa kamatayon ni Cristo didto sa krus.
ANG PULONG SA GINOO.
SALAMAT SA DIOS
No comments:
Post a Comment