Sa namalik na sila ngadto sa ubang mga tinun-an, nakita nila didto ang usa ka dakong panon sa mga tawo. Dihay pipla ka mga magtutudlo sa Balaod nga nakiglantugi sa mga tinun-an. Sa Pagkakita gayod sa mga tawo kang Jesus, natingala sila pag-ayo ug nidagan sila ug mihimamat kaniya. Unya gipangutana ni Jesus ang mga tinun-an, "Mahitungod ba sa unsa ang inyong gipakiglantugian kanila?
Usa ka tawo nga diha sa panon mitubag, "Magtutudlo, ania gidala ko kanimo ang akong anak nga lalaki, kay giyawaan man siya ug dili makasulti. Kon atakihon na gani siya sa yawa, ilamba siya sa yuta. Unya mobula ang iyang baba, mokagot ang iyang ngipon, ug mogahi siya. Gihangyo ko ang imong mga tinun-an sa paghingilin sa yawa, apan wala sila makahimo."
Si Jesus miingon kanila, "Pagkawala gayod ninyog pagtoo! Magsigi na ba lang akog uban-uban kaninyo? Magsigi na ba lang akong pailob kaninyo? Dad-a ngari ang bata!" Ug ilang gidala ang bata ngadto kang jesus.
Sa pagkakita gayod sa yawa kang Jesus, giataki niya ang bata ug mikirig ang bata, ug unya natumba sa yuta ug nagligidligid nga nagbula ang baba."Dugay naba siyang naingon niini?" nangutana si jesus sa amahan sa bata.
"Sukad sa gamay pa siya," mitubag ang amahan. "Daghan nang higayon nga misulay ang yawa pagpatay kaniya pinaagi sa pag-itsa kaniya ngadto sa kalayo ug sa tubig. Busa kaloy-i ug tabangi intawon kami kon makahimo ka!"
"Unsay kon makahimo? ang tanan mahimo sa tawo nga may pagtuo!" miingon si Jesus.
Ug dihadiha ang amahan sa bata miingon nga naghilak. "Duna koy pagtuo, apan dili pa kini igo. Tabangi intawon ako.!"
Namatikdan ni Jesus nga ang panon sa mga tawo nagkaduol na kanila, busa gimandoan niya ang yawa, "Bungol ug amang nga espiritu, gula ug ayaw na gayod pagsunod kaniya."
Misiyagit ang yawa ug gipakirig niya pag-ayo ang bata ug unya migula. Ang bata daw patay nga tan-awon, busa ang tanan miingon, "Patay na siya!" Apan gigunitan ni Jesus ang kamut sa bata ug gipabangon, ug mitindog siya.
Sa dihang nakasulod na si Jesus sa balay, gipangutana siya sa iyang mga tinun-an nga walay lain nga nakadungog, "Nganong wala man kami makapagula sa yawa?"
Agig tubag, si Jesus miingon, "Walay lain nga makapagula niining mataga sa espiritu gawas lamang sa pag-ampo."
ANG EBANGHELYO SA GINOO
DAYGON KO IKAW O CRISTO.
No comments:
Post a Comment