(Mateo 20:17-28)
Samtang nagtungas si jesus paingon sa Jerusalem, gilain niya ang napulog duha ka tinun-an, ug giingnan niya sila, "Pamati kamo: nagpadulong kita sa Jerusalme, ug didto ang Anak sa Tawo itugyan ngadto sa kadagkoan sa mga pari ug sa mga magtutudlo sa Balaod. Siya hukman nila sa kamatayon, ug unya itugyan nila ngadto sa mga dili Judio ug bugalbugalan siya ug latoson ug ilansang sa krus; apan sa ikatulo ka adlaw banhawon siya."
Unya ang asawa ni Sebedeo miadto kang Jesus uban sa iyang mga anak, miyukbo kaniya, ug mihangyo kaniyag usa ka butang.
Nangutana si Jesus kaniya, "Unsa may imong tuyo?"
Siya mitubag, "Isaad kanako nga kining duka ko ka anak palingkoron mo sa imong tuo ug sa imong wala kon maghari kana."
Si Jesus mitubang kanila, "Wala kamo masayod sa inyong gipangayo. Makahimo ba kamo pag-inom sa kupa nga sa dili madugay akong imnan?"
Sila mitubag, "Oo, makahimo."
Si Jesus miingon kanila, "Kamo makaininom gayod gayod gikan sa akong kupa, apan wala akoy katungod sa pagpili kon kinsa ang palingkoron sa akong tuo ug sa akong wala. Kining mga dapita alang lamang niadtong giandaman niini sa akong Amahan."
Sa pagkadungog niini sa napulo ka tinun-an, nangasuko sila sa duka ka magsoon. Busa gitawag ni Jesus silang tanan ug giingnan, "Nasayod kamo nga ang mga punoan naghari sa mga tawo, ug an mga kadagkoan nagmando kanila. APan dili kini mao ang paagi nga angay ninyong sundon. Kon usa kaninyo buot mahimo dako, kinahanglan nga mag-alagad siya sa tanan; ug kon usa kaninyo buot nga molabaw sa tanan kinahanglan nga magpaulipon siya ninyo sama sa Anak sa Tawo nga wala moanhi aron alagaran, kondili sa pag-alagad ug paghatag sa iyang kinabuhi aron pagluwas sa daghang mga tawo.
ANG EBANGHELYO SA GINOO.
DAYGON KO IKAW, O CRISTO.
No comments:
Post a Comment