November 17, 2024 - Santos nga Ebanghelyo Mk.13:24-32

Si Jesus miingon sa iyang mga tinun-an, "Sa Adlaw human sa panahon sa kasakitan, mongitngit ang adlaw ug dili na modan-ag ang bulan. Mangahulog gikan sa langit ang mga bitoon ug motipas sa ilang naandang agianan ang mga planeta sa kawanangan. Unya diha sa mga panganod makita ang Anak sa Tawo nga moabot nga may gahom ug himaya. Ug suguon niya ang iyang mga anghel ngadto sa tanang suok sa kalibutan aron tigumon abg piniling katawhan sa Dios gikan sa tanang dapit.

"Kuhai ninyo og pagtulun-an ang kahoy'ng igera. Inigpanghumok na sa mga sanga niini ug mangudlot na kini, inyong masayran na duol na ang ting-init. Sa samang pagkaagi, inigkakita ninyo nga kining butanga nagsugod na paghitabo, masayran ninyo nga duol na gayod ang pagbalik sa Anak sa Tawo. Timan-i kini: kining tanan mahitabo sa dili pa mangamatay ang tanang tawo nga karon buhi pa. Ang langit ug ang yuta matapos, apan ang akong gisulti dili gayod mapakyas."

"Apan walay nasayod kanus-a moabot kadtong adlawa o taknaa, bisan ang mga anghel sa langit, bisan gani ang Anak; Amahan lamang maoy nasayod."