February 23, 2023, Santos nga Ebanghelyo Cebuano/Bisaya

HUWEBES HUMAN SA BADLIS

PAGBASA GIKAN SA SANTOS NGA EBANGHELYO SUMALA NI LUCAS

Si Jesus miingon sa iyang mga tinun-an, "Ang Anak sa Tawo kinahanglan nga mag-antos pag-ayo ug isalikway sa mga punoan sa mga Judio, sa mga kadagkoan sa mga pari, ug sa mga magtutudlo sa Balaod. Patyon siya ug banhawon sa ikatulo ka adlaw."

Ug miingon siya sa tanan, "Kon may buot mosunod kanako, kinahanglan nga magdumili siya sa iyang kaugalingon, magpas-an sa iyang krus sa tanang adlaw, ug magsunod kanako. Kay ang buot magluwas sa iyang kaugalingong kinabuhi kawad-an hinoon niini, apan ang kawad-an sa iyang kinabuhi tungod kanako magluwas niini. Aduna bay makuha sa tawo kon maiya ang tibuok kalibutan apan mawala ang iyang kinabuhi? Wala Gayod!"

ANG EBANGHELYO SA GINOO.

DAYGON KO IKAW O CRISTO.

February 22, 2023, Salmo Responsoryo Cebuano/Bisaya

TUBAG:

MALUOY KA GINOO, KAY NAKASALA KAMI

Kaloy-i ako, O Dios, diha sa imong kaayo;/ sa kadako sa imong kaluoy papasa ang akong kalapasan./ Hugasi akog maayo sa akong kasaypanan,/ ug linisi ako sa akong kasal-anan.

TUBAG:

MALUOY KA GINOO, KAY NAKASALA KAMI

Kay giila ko ang akong kalapasan,. ug ang akong sala kanunay ania sa akong atubangan:/ "Kanimo nakasala ako,/ ug nakabuhat og dautan sa imong atubangan."

TUBAG:

MALUOY KA GINOO, KAY NAKASALA KAMI

Usa ka malinis nga kasingkasing gawas dinhi kanako,/ O Dios,/ ug usa ka makanunayong espiritu bag-oha sulod kanak./ Ayaw ako isalikway sa imong atubangan,/ ug ayaw kuhaa gikan kanako ang imong balaang espiritu.

TUBAG:

MALUOY KA GINOO, KAY NAKASALA KAMI

Ibalik kanako ang kasadya sa imong kaluwasan,/ ug padaona dinhi kanako ang mauyonong espiritu./ O Ginoo, ablihi ang akong mga ngabil,/ ug ang akong baba magsangyaw sa imong pagdayeg.

TUBAG:

MALUOY KA GINOO, KAY NAKASALA KAMI

February 22, 2023, Santos nga Ebanghelyo - Miyerkoles sa Badlis

PAGBASA GIKAN SA SANTOS NGA EBANGHELYO SUMALA NI MATEO (Mt. 6:1-6,16-18)

Si Jesus miingon sa iyang mga tinun-an: "Ayaw gayod ninyo buhata ang inyong mga tulomanon sa relihiyon aron lamang makita sa mga tawo. Kon ingnon ninyo niini pagbuhat, dili kamo makadawat ug ganti gikan sa inyong Amahan nga atua sa langit."

"Busa kon mohatag kamo sa tawong kabus, ayaw kini ipasigarbo ingon sa gibuhat sa mga hambugiro sulod sa mga sinagoga ug sa kadalanan. Nagbuhat sila niini aron daygon sa mga tawo. Apan sultihan ko kamo nga ang naghimo sa ingon gigantihan na. Kon ugaling motabang ka sa usa ka tawong kabus, himo kini sa paagi nga bisan ang imong labing suod nga higala dili masayod niini. Himoa kini sa tago ug ang imong Amahan nga nagtan-aw sa imong gibuhat sa tago, moganti kanimo."

February 21, 2023, Salmo Responsoryo

TUBAG:

ITUGYAN ANG INYONG KINABUHI NGADTO SA GINOO, UG TABANGAN KAMO NIYA.

Salig sa Ginoo ug pagbuhat sa maayo,/ aron magpuyo ikaw sa yuta ug maghimulos sa kalinaw./ Paglipay diha sa Ginoo,/ ug hatagan ka niya sa mga tinguha sa imong kasingkasing.

TUBAG:

ITUGYAN ANG INYONG KINABUHI NGADTO SA GINOO, UG TABANGAN KAMO NIYA.

Ang Ginoo nagabantay sa mga kinabuhi sa matarong;/ ang ilang kabilin nagalungtad sa kahangturan./ Dili sila maulaw diha sa dautang panahon;/ sa mga adlaw sa gutom nagpuyo sila sa kabuhong.

TUBAG:

ITUGYAN ANG INYONG KINABUHI NGADTO SA GINOO, UG TABANGAN KAMO NIYA.

Likaye ang dautan ug pagbuhat sa maayo/ aron mabuhi ka sa kahangturan;/ Kay ang Ginoo mahigugma sa matarong/ ug dili mobiya sa mga maunongon kaniya.

TUBAG:

ITUGYAN ANG INYONG KINABUHI NGADTO SA GINOO, UG TABANGAN KAMO NIYA.

Ang kaluwasan sa matarong gikan sa Ginoo;/ siya ang ilang dalangpanan sa panahon sa kaguol./ Ug ang Ginoo nagatabang  kanila ug nagaluwas kanila;/ nagapalingkawas siya kanila sa dautan ug nagaluwas kanila,/ kay nagadangop man sila kaniya.

TUBAG:

ITUGYAN ANG INYONG KINABUHI NGADTO SA GINOO, UG TABANGAN KAMO NIYA.

February 20, 2023, Ebanghelyo Cebuano / Bisaya

PAGBASA GIKAN SA SANTOS NGA EBANGHELYO SUMALA NI MARCOS (Mk. 9:14-29)

Sa namalik na sila ngadto sa ubang mga tinun-an, nakita nila didto ang usa ka dakong panon sa mga tawo. Dihay pipla ka mga magtutudlo sa Balaod nga nakiglantugi sa mga tinun-an.  Sa Pagkakita gayod sa mga tawo kang Jesus, natingala sila pag-ayo ug nidagan sila ug mihimamat kaniya. Unya gipangutana ni Jesus ang mga tinun-an, "Mahitungod ba sa unsa ang inyong gipakiglantugian kanila?

February 20, 2023, Salmo Responsoryo

TUBAG:

ANG GINOO HARI; GIBISTIHAN SIYA SA KAHALANGDON

Ang Ginoo hari,/  gibisthian siya sa kasanag;/ gibistihan ang Ginoo/ ug gibaksan sa gahom.

TUBAG:

ANG GINOO HARI; GIBISTIHAN SIYA SA KAHALANGDON

Ug gibuhat niya nga malig-on ang kalibutan;/ nga dili gayod matarog./ Ang imong trono nagabarog nga malig-on sukad pa sa karaan;/ sukad sa kahangturan  mao na ikaw, O Ginoo.

TUBAG:

ANG GINOO HARI; GIBISTIHAN SIYA SA KAHALANGDON

Ang imong balaod takus gayod nga kasaligan;/ ang kabalaan angay sa imong sa imong balay,/ O Ginoo,/ sa tanan nga mga adlaw.

TUBAG:

ANG GINOO HARI; GIBISTIHAN SIYA SA KAHALANGDON

February 19, 2023, Ebanghelyo Cebuano / Bisana

PAGBASA GIKAN SA SANTOS NGA EBANGHELYO SUMALA NI MATEO (Mt. 5:38-48)

Si Jesus miingon ngadto sa iyang mga tinun-an, "Nakadungog kamo sa giingon kaniadto, 'Mata bayrag mata, ug nigpon bayrag ngipon.' Apan karon sultihan ko kamo: ayaw panimalos sa nagbuhat kaninyog daotan. Kon sagpaon ang tuo mong aping, ipasagpa usab ang wala. Kon may mokiha kanimo aron mailog niya ang imong kamisin, ihatag  usab kaniya ang imong kamisadentro. Kon pugson ka sa usa ka sundalo pagdala sa iyang kasangkapan sa gilay-on nga usa ka kilometro, pas-ana kini ug duha ka kilometro. Kon may mohangyo kanimo ug usa ka butang, ihatag kini kaniya; ug ayaw balibari ang buot mohulam kanimo."