PAGPAAMBIT SA PANAHON Lyrics

 INTRO: C-CM-G-E7-AM-D7-G-D7

REFRAIN:

ATONG I-AMBIT ANG PANAHON, SA TANAN TANG MGA IGSOOON

LAKIP ANG ATONG GALAMHAN, UG BAHANDING ATONG NAANGKON

MAGTAMBAYAYONG KITANG TANAN, SA PAGTUKOD UG KATILINGBAN

KATILINGBAN NGA KRISTOHANON, KATILINGBANG MAAMGUHON

UG ANG PAGBAG-O SA KASINGKASING, ANG LABING MAHINONGDANON

KAGAWASAN SA KAHILADMAN, ANG TIMAAN SA KAHAMTONGAN

BATOBALANI SA GUGMA (GOZOS) SR. SANTO NINO Lyrics

 BATO BALANI SA GUGMA, SA DAAN TAWO PALANGGA.

BATO BALANI SA GUGMA, SA DAAN TAWO PALANGGA.
BATO BALANI SA GUGMA, SA DAAN TAWO PALANGGA.

KANAMO MALOOY KA UNTA, NGA KANIMO NANGILABA
KANAMO MALOOY KA UNTA, NGA KANIMO NANGILABA

DINHI SA SYUDAD SA SUGBO, ANG MATAHUM MONG LARAWAN
SA UNANG MGA MISYONERO, SA USANG BALAY HIPALGAN.
KANILA IKAW NAGPAKITA, GIKAN DA SA IMONG GUGMA.

KANAMO MALOOY KA UNTA, NGA KANIMO NANGILABA
KANAMO MALOOY KA UNTA, NGA KANIMO NANGILABA

GILUDHAN IKAW GISIMBA, NIADTONG MGA KAPARIAN.
SA TANAN NGA KATAWHAN, SA MGA PUNOAN NILA
KAY SA PAGTAN-AW KANIMO, KRISTYANO SILA NAHIMO.

AKO ANG KAHAYAG Lyrics

 AKO ANG KAHAYAG

TAWO NING KALIBUTAN

USA KA YUGTONG  MATAHUM ANG KINABUHI

ANG MGA LUHA UG ANG MGA KASAKIT

MGA SALIMBONG LANG KINI PADULONG SA LANGIT

II.

SUD-ONGA ANG KINABUHI MO KARON

TANAN KADULOM BA?

ANG MGA NANGLABAY’NG PANAHON

APAN HIBAW-I NGA IKAW WALA PASAGDI

ANG DIOS NAGDAPIT KANATO

PAGSUNOD SA IYANG KAHAYAG

February 19, 2023, Salmo Responsoryo

TUBAG:

ANG GINOO MAAYO UG MALOLOY-ON

Dayga ang Ginoo, kalag ko;/ ug ang tibuok kong kaugalingon, dayga ang iyang balaang ngalan./ Dayga ang Ginoo, kalag ko,/ ug ayaw hikalimte ang tanang mga kaayohan niya.

TUBAG:

ANG GINOO MAAYO UG MALOLOY-ON

Gipasaylo niya ang tanan mong kadautan,/ giayo niya ang tanan mong kasakitan./ Giluwas niya ang imong kinabuhi sa kalaglagan;/ Gilibutan ka niya sa kaayo ug kaluoy.

TUBAG:

ANG GINOO MAAYO UG MALOLOY-ON

Maluluy-on ug mahigugmaon ang Ginoo,/ dugay'ng masuko ug hupong sa kaayo. Iya kitang gidumala dili sumala sa atong kasal-anan,/ ni mibalos siya kanato sumala sa atong mga kalapasan.

TUBAG:

ANG GINOO MAAYO UG MALOLOY-ON

Maingon nga ang silangan halayo sa kasadpan,/ sa ingon iyang gipahilayo kanato ang atong mga kalapasan./ Maingon nga ang amahan  maluoy sa iyang mga anak,/ sa ingon naluoy ang Ginoo kanila nga mahadlokon kaniya.

February 18, 2023, Ebanghelyo

PAGBASA GIKAN SA SANTOS NGA EBANGHELYO SUMALA NI MARCOS (Mk. 9:2-13)

Tapos sa unom ka adlaw, gidala ni Jesus sila si Pedro, si Santiago, ug si Juan ngadto sa usa ka taas nga bukid diin didto walay laing tawo gawas kanila.

Ug samtang nagtan-aw sila kang Jesus, nausab ang iyang panagway, ug ang iyang bisti migilak sa hilabihang kaputi; walay bisan kinsa sa tibuok kalibutan  nga makapaputi sama niini. Unya nakita sa tulo ka tinun-an si Elias ug si Moises nga nakigsulti kang Jesus. Ug miingon si Pedro kang Jesus, "Magtutudlo, maayo nga ania kita dinhi. Maghimo kami ug tulo ka payag, usa alang kanimo, usa alang kang Moises, usa alang kang Elias." Nakaingon siya niini kay wala siya mahibalo kon unsay iyang isulti sanglit nangalisan man sila.

February 18, 2023, Salmo Responsoryo

TUBAG:

DAYGON KO SA KAHANGTURAN ANG IMONG NGALAN, O GINOO.

Himayaon ko ikaw adlaw-adlaw,/ ug daygon ko ang imong ngalan hangtod sa kahangturan./ Dako ang Ginoo ug angay gayod siyang daygon;/ ang iyang kadako dili matugkad.

TUBAG:

DAYGON KO SA KAHANGTURAN ANG IMONG NGALAN, O GINOO.

Ang tanang kaliwatan nagadayeg sa imong mga buhat/ ug nagasangyaw sa imong gahom./ Nagasulti sila sa kasanag sa imong mahimayaong kahalangdon,/ ug nagasaysay sa imong katingalahang mga buhat.

TUBAG:

DAYGON KO SA KAHANGTURAN ANG IMONG NGALAN, O GINOO.

Papasalamata kanimo ang tanan mong mga buhat, O Ginoo,/ ug ang mga nagtuo kanimo padayga kanimo./ Pahisgota sila sa himaya sa imong gihangharian/ ug pasultia sa imong gahom.

TUBAG:

DAYGON KO SA KAHANGTURAN ANG IMONG NGALAN, O GINOO.

February 17, 2023, Ebanghelyo Bisaya/Cebuano

PAGBASA GIKAN SA SANTOS NGA EBANGHELYO SUMALA NI MARCOS (Mk. 8:34-9:1)

Unya gitawag ni Jesus ang katawhan ug ang iyang mga tinun-an ug miingon siya kanila, " Kon buot ang usa ka tawo maimo nga akong tinun-an kinahanglan nga kalimtan niya ang iyang kaugalingon, pas-anon niya ang krus, ug mosunod siya kanako. Kang ang buot mulowas sa iyang kaugalingong kinabuhi mawad-an hinoon niini; apan kadtong maghalad sa iyang kinabuhi alang kanako ug sa Maayong Balita, dili mawad-an niini. Unsa may makuha sa usa ka tawo kon maangkon niya ang tibuok kalibutan apan kawad-an siya sa iyang kinabuhi? Wala gayod! Walay bisan unsa nga ikahatag sa usa ka tawo aron mabawi niya ang iyang kinabuhi. Busa kon ako ug ang akong pagtulon-an ikaulaw sa usa ka tawo niining daotan ug makasasala  nga kaliwatan, ikaulaw usab siya sa anak sa Tawo inig-abot niya kuyog sa mga anghel nga balaan, inubanan sa himaya sa iyang Amahan."

Unya miingon siya, "Timan-i kini: pipila kaninyo dinhi dili mamatay hangtod nga makita nila ang gamhanang paghari sa Dios."

ANG EBANGHELYO SA GINOO.

DAYGON KO IKAW O CRISTO.