PAGBASA GIKAN SA SANTOS NGA EBANGHELYO SUMALA NI MATEO (Mt.5:17-37)
Si Jesus miingon sa iyang mga tinun-an, "Ayaw ninyo hunahunaa nga mianhi ako aron pagsalikway sa Balaod ni Moises ug sa mga pagtulon-an sa mga propeta. Wala ako moanhi aron pagsalikway niini, kon dili aron paghatag niini ug hustong kahulugan. Timan-i kini: samtang may langit pa ug yuta, bisan ang labing gamay nga kudlit o ang labing diyotay nga bahin sa Balaod, dili gayod sayloan hangtod matuman bisan sa labing gamay'ng bahin sa kasugoan ug magtudlo sa uban sa pagbuhat sa ingon, mahimong labing iwit sa Gingharian sa langit. Apan ang magtuman sa Balaod ug magtudlo sa uban sa pagbuhat sa ingon mahimong dako sa Gingharian sa langit. Busa mag-ingon ako kaninyo nga dilikamo makasulod sa Gingharian sa langit kon ang inyong pagtuman sa kabubut-on sa Dios sama lamang sa gihimo sa mga magtutudlo sa Balaod ug sa mga Pariseo."
"Nasayod kamo nga ang mga tawo giingnan kaniadto, 'Ayaw pagpatay; ang makapatay taralon sa hukmanan.' Apan sultihan ko kamo nga ang masuko sa iyang isigkatawo dad-on ngadto sa maghuhukom, ug bisan kinsa nga moingon nga buang ang iyang isigkatawo malagmit nga mahiagom sa kalayo sa imyermo. Busa inigdala na nimo sa imong halad sa Dios ngadto sa halaran ug didto mahinumdoman mo nga nasilo kanimo ang imong isigkatawo, biyai ang imong halad atubangan sa laharan, ug adtoa dayon ang imong isigkatawo, ug pakig-uli una kaniya. Unya balik sa halaran ug ihalad ang imong halad sa Dios."
"Kon may mokiha kanimo ug dad-onn ka niya sa hukmanan, pakighusay kaniya samtang may panahon pa ug wala pa kamo moabot didto; kay kon kamo moabot na sa hukmanan, itugyan ka niya sa huwes, ug ang huwes motugyan kanimo sa polis, ug ibalhog ka sa bilanggoan. Ug timan-i: bilangguon ka didto hangtod kabayran mo sa hingpit ang imong multa."
"Nakadungog kamo nga giingon kaniadto, "Ayaw panapaw." Apan karon sultiah ko kamo nga bisan kinsaya motan-aw sa usa ka babaye uban sa law-ay nga hunahuna nakapanapaw na kaniya sulod sa iyang kasingkasing. Busa kon ang imong tuong mata makaagin kanimo sa pagpakasala, lugita kini ug ibalibag, kay mas maayo pa kanimo nga kawad-an ang imong lawas ug usa ka bahin kay sa itambog ang tibuok mong lawas ngadto sa impiyerno. Kon ang imong tuong kamong makaangin kanimo sa pagpakasala, putla kini ug ibalibag! Mas maayo pa kanimo nga kawad-an ka og usa ka kamut, kay sa itambog ang tibuok mong lawas ngadto sa impiyerno."
"Giingon usab kaniadto, 'Ang makigbulag sa iyang asawa kinahanglan nga maghatag kaniya ug sinulat nga pahibalo sa pakigbulag.' Apan karon sultihan ko kamo nga ang mobulag sa iyang asawa nga wala magluib kaniya nakasala kay siya man ang makaangin sa iyang asawa sa pagpanapaw kon ang asawa magminyo pag-usab; ug ang mangasawa kaniya makapanapaw usab."
"Nakadungog usab kamo nga gi-ingnan ang atong katigulangan kaniadto, 'Ayaw pakyasa ang imong panaad, kon dili tumana ang imong gipanumpa sa Ginoo nga imong buhataon.' Apan karon sultihan ko kamo: Ayaw panumpa sa langit, kay ang langit mao ang trono sa Dios; ni yuta, kay ang yuta mao ang iyang tumbanan; ni sa Jerusalem, kay kini mao ang siyudad sa halangdong Hari. Ayaw kamo panumpa bisan gani sa inyong ulo, kay dili man kamo makapaputi o makapaitom sa usa ka lugas nga buhok. Ingna lamang "OO" o "Dili" kay kon may mokapin pa niini, kana gikan sa yawa.
ANG EBANGHELYO SA GINOO.
DAYGON KO IKAW O CRISTO.
No comments:
Post a Comment