PAGBASA GIKAN SA SANTOS NGA EBANGHELYO SUMALA NI LUCAS
(LK. 10:1-9)
Human niini, nagpili ang Ginoo ug laing kapitoag pito ka tawo. Gipadala niya sila sa tinagurha aron mag-una kaniya ngadto sa tagsatagsa ka lungsod ug dapit nga hapit na niyang adtoan. Miingon siya kanila, "Ang anihon daghan apan diyutay ra ang mangangani. Busa pag-ampo kamo sa tag-iya sa anihon aron magpadala siyag dugang pang mamumuo nga moani niini. Lakaw kamo, ako nagpadala kaninyo nga sama sa mga ating karnero taliwala sa mga lobo. Ayaw pagdala ug puntil o bag o sandalyas ug ayaw kamo paghunong aron paghimamat kang bisan kinsa diha sa dalan. Bisan diing balaya kamo moabot, unaha ninyo pag-ingon, "Ang panagdait maania niining balaya." Kon didto may nagpuyo nga mahigugmaon sa pakigdait, ibilin kaniya ang inyong panghinaot sa pakigdait. Kon wala, ang inyong paghinaot sa pakigdait mobalik ra kaninyo. Pabilin kamo niadtong balaya; kaon og inum sa ilang idalit kaninyo kay ang mamumuo angay gayod suhulan. Ayaw pagbalhinbalhin gikan sa usa ka balay ngadto sa lain. Kon moadto kamo sa usa ka lungsod ug dawaton kamo nila, kaon sa idalit kaninyo. Ayoha ang mga masakiton niadtong lungsura ug ingna ang mga tawo didto nga hapit na moabot kanila ang paghari sa Dios.
ANG EBANGHELYO SA GINOO.
DAYGON KO IKAW, O CRISTO.
No comments:
Post a Comment