EBANGHELYO: PAGBASA GIKAN SA SANTOS NGA EBANGHELYO SUMALA NI MARCOS (MK. 4:26-34)
Si Jesus miingon ngadto sa katawhan, "Ang Gingharian sa Dios sama sa tawo nga nagsabod ug binhi sa iyang uma. Ug samtaang nagpadayon siya sa iyang buluhaton adlaw-adlaw, miturok ug mitubo ang mga binhi sa paagi nga wala niya masabti. Ang yuta maoy nagpatubo ug nagpabunga sa mga tanon: maoy mouna ug linghod nga punoan, unya mosunod ang iyang uhay, ug unya ang bus-ok nga mga lugas. Ug inigkahinog na, galabon kini kay ting-ani na man.
"Sa unsa mang butanga ikatandi nato ang Gingharian sa Dios?" nangutana si Jesus. "Uns mang sambingaya ang gamiton nato pagsaysay niini? Sama kini sa liso sa mustasa nga maoy labing gamay nga liso dinhi sa kalibutan. Kon itanom kini ug makatubo na, mahimo kining labing dako sa tanang tanom.
Mamunga kinig dagko ug ang mga langgam manugdon ug magsalag sa landong niini."
Nagwala si Jesus ngadto sa mga tawo ginamit ang ubang sambingay nga sama niini, apan gisulti lamang niya ang masabut nila. Wala siyay gisulti kanila nga wala ipaagi sa mga sambingay. Apan kon ang iyang mga tinun-an lamang ang kauban niya, iyang isaysay kanila ang tanan.
ANG EBANGHELYO SA GINOO.
DAYGON KO IKAW O CRISTO.
UNANG PAGBASA: PAGBASA GIKAN SA SULAT NGADTO SA MGA HEBREO (HEB. 10:32-39)
Hinumdomi unsay nahitabo kaninyo kaniadto. Niadtong mga adlawa, human kamo dan-agi sa kahayag sa Dios, nag-antos kamo ug daghang mga butang, apan wala kamo mabuntog sa sanka. Usahay gibugalbugalan sa katawhan, ug may mga higayon nga apil kamo kanila nga nahiagom niining paagiha. Nakig-ambit kamo sa mga pag-antos sa mga priso, ug sa dihang gisakmit ang tanan ninyong mga kabtangan, giantos ninyo nga malipayon ang inyong kawad-on, tungod kay nasayod man kamo nga naghupot kamo ug mas maayo pang mga kabtangan nga molungtad hangtod sa kahangturan. Busa ayaw wad-a ang inyong pagsalig kay duna kini dalang balos. Kinahanglan nga magmapailubon kamo aron makabuhat sa kabubut-on saDios ug makadawat kamo sa iyang gisaad. kay sumala sa giingon sa Kasulatan.
"Dili na madugay,
Siya nga umaabot moabot gayod;
Dili siya maglangan,
Apan ang matarong kong katawhan
motuo ug mabuhi;
Apan kon may mosukwahi kanila,
dili ako mahimuot kaniya."
Dili kita katawhan nga mosibog ug tungod niini mangalalag. Hinonoa, duna kitay pagtuo ug maluwas gayod kita.
ANG PULONG SA GINOO.
SALAMAT SA DIOS.
No comments:
Post a Comment