TUBAG: ANG KALUWASAN SA MATARONG NAGAGIKAN SA GINOO.
Salig sa Ginoo ug pagbuhat sa maayo, / aron magpuyo ikaw sa yuta ug maghimulos sa kalinaw. / Paglipay diha sa Ginoo, / ug hatagan ka niya sa mga tinguha sa imong kasingkasing
TUBAG: ANG KALUWASAN SA MATARONG NAGAGIKAN SA GINOO.
Itugyan ngadto sa Ginoo ang imong dalan,/ salig kaniya ug mobuhat siya. / Pasubangon niya ang katarong alang kanimo ingon sa kahayag; masiga ingon og udtong totok ang imong katarungan.
TUBAG: ANG KALUWASAN SA MATARONG NAGAGIKAN SA GINOO.
Ang mga lakang sa tawo lig-onon sa Ginoo,/ ug giuyonan niya ang iyang dalan. / Bisan mapukan siya, dili siya magpabilin nga pukan, / Kay ang kamut sa Ginoo nagasagang kaniya.
TUBAG: ANG KALUWASAN SA MATARONG NAGAGIKAN SA GINOO.
Ang kaluwasan sa matarong gikan sa Ginoo;/ siya ang ilang dalangpanan sa Panahon sa kalisod./ Ug ang Ginoo nagatabang kanila ug nagaluwas kaniya;/ gilingkawas niya sa dautan ug giluwas sila, kay midangop man sila kaniya.
TUBAG: ANG KALUWASAN SA MATARONG NAGAGIKAN SA GINOO.
No comments:
Post a Comment