February 18, 2023, Ebanghelyo

PAGBASA GIKAN SA SANTOS NGA EBANGHELYO SUMALA NI MARCOS (Mk. 9:2-13)

Tapos sa unom ka adlaw, gidala ni Jesus sila si Pedro, si Santiago, ug si Juan ngadto sa usa ka taas nga bukid diin didto walay laing tawo gawas kanila.

Ug samtang nagtan-aw sila kang Jesus, nausab ang iyang panagway, ug ang iyang bisti migilak sa hilabihang kaputi; walay bisan kinsa sa tibuok kalibutan  nga makapaputi sama niini. Unya nakita sa tulo ka tinun-an si Elias ug si Moises nga nakigsulti kang Jesus. Ug miingon si Pedro kang Jesus, "Magtutudlo, maayo nga ania kita dinhi. Maghimo kami ug tulo ka payag, usa alang kanimo, usa alang kang Moises, usa alang kang Elias." Nakaingon siya niini kay wala siya mahibalo kon unsay iyang isulti sanglit nangalisan man sila.

February 18, 2023, Salmo Responsoryo

TUBAG:

DAYGON KO SA KAHANGTURAN ANG IMONG NGALAN, O GINOO.

Himayaon ko ikaw adlaw-adlaw,/ ug daygon ko ang imong ngalan hangtod sa kahangturan./ Dako ang Ginoo ug angay gayod siyang daygon;/ ang iyang kadako dili matugkad.

TUBAG:

DAYGON KO SA KAHANGTURAN ANG IMONG NGALAN, O GINOO.

Ang tanang kaliwatan nagadayeg sa imong mga buhat/ ug nagasangyaw sa imong gahom./ Nagasulti sila sa kasanag sa imong mahimayaong kahalangdon,/ ug nagasaysay sa imong katingalahang mga buhat.

TUBAG:

DAYGON KO SA KAHANGTURAN ANG IMONG NGALAN, O GINOO.

Papasalamata kanimo ang tanan mong mga buhat, O Ginoo,/ ug ang mga nagtuo kanimo padayga kanimo./ Pahisgota sila sa himaya sa imong gihangharian/ ug pasultia sa imong gahom.

TUBAG:

DAYGON KO SA KAHANGTURAN ANG IMONG NGALAN, O GINOO.

February 17, 2023, Ebanghelyo Bisaya/Cebuano

PAGBASA GIKAN SA SANTOS NGA EBANGHELYO SUMALA NI MARCOS (Mk. 8:34-9:1)

Unya gitawag ni Jesus ang katawhan ug ang iyang mga tinun-an ug miingon siya kanila, " Kon buot ang usa ka tawo maimo nga akong tinun-an kinahanglan nga kalimtan niya ang iyang kaugalingon, pas-anon niya ang krus, ug mosunod siya kanako. Kang ang buot mulowas sa iyang kaugalingong kinabuhi mawad-an hinoon niini; apan kadtong maghalad sa iyang kinabuhi alang kanako ug sa Maayong Balita, dili mawad-an niini. Unsa may makuha sa usa ka tawo kon maangkon niya ang tibuok kalibutan apan kawad-an siya sa iyang kinabuhi? Wala gayod! Walay bisan unsa nga ikahatag sa usa ka tawo aron mabawi niya ang iyang kinabuhi. Busa kon ako ug ang akong pagtulon-an ikaulaw sa usa ka tawo niining daotan ug makasasala  nga kaliwatan, ikaulaw usab siya sa anak sa Tawo inig-abot niya kuyog sa mga anghel nga balaan, inubanan sa himaya sa iyang Amahan."

Unya miingon siya, "Timan-i kini: pipila kaninyo dinhi dili mamatay hangtod nga makita nila ang gamhanang paghari sa Dios."

ANG EBANGHELYO SA GINOO.

DAYGON KO IKAW O CRISTO.

February 17, 2023, Salmo Responsoryo

TUBAG:

BULAHAN ANG KATAWHANNGA GIPILI SA GINOO ARON MAIYA.

Gikawang sa Ginoo ang mga laraw sa kanasuran;/ iyang gipakgang ang mga hunahuna sa katawhan./ Apan ang laraw sa Ginoo nagabarog hangtod sa kahangtoran;/ ang hunahuna sa iyang kasingkasing, latas sa tanang mga kaliwat.

TUBAG:

BULAHAN ANG KATAWHANNGA GIPILI SA GINOO ARON MAIYA.

Bulahan ang nasod kansang Dios mao ang Ginoo,/ ang katawhan nga iyang gipili alang sa iyang kaugalingong kabilin./ Gikan sa langit mitan-aw ang GInoo;/ nagatan-aw siya sa tanang katawhan.

TUBAG:

BULAHAN ANG KATAWHANNGA GIPILI SA GINOO ARON MAIYA.

Gikan sa iyang dili matarog nga trono nagatan-aw siya sa tanan nga nagapuyo ibabaw sa yuta./ Siya nga naghulma sa kasingkasing sa tagsatagsa,/ siya nga nahibalo sa tanan  nilang mga buhat.

TUBAG:

BULAHAN ANG KATAWHANNGA GIPILI SA GINOO ARON MAIYA.

February 16, 2023, Ebanghelyo Bisaya/Cebuano

PAGBASA GIKAN SA EBANGHELYO SUMALA NI MARCOS (Mk. 8:27-33)

Unya si jesus ug ang iyang mga tinun-an miadto sa mga balangay sa Cesarea Filipo. Ug samtang naglakaw sila, iyang gipangutana ang iyang mga tinun-an, "Kinsa man kuno ako, sumala sa mga tawo?"

Mitubag sila, "Ang uban miingon nga ikaw mao si Juan nga Magbubunyag, ang uban usab miingon nga ikaw mao si Elias; ug miingon pa gayod ang uban nga ikaw usa sa mga propeta."

February 16, 2023, Salmo Responsoryo

TUBAG:

GIKAN SA LANGIT GITAN-AW SA GINOO ANG YUTA

Ang mga nasod nagtahod sa imong ngalan, magtahod sa imong himaya,/ Sa natukod  na pag-usab sa Ginoo ang Sion ug mipakita diha sa iyang himaya;/ Sa iyang pagtagad sa pag-ampo sa hangol, ug wala niya tamaya ang ilang pag-ampo.

TUBAG:

GIKAN SA LANGIT GITAN-AW SA GINOO ANG YUTA

Isulat kini alang sa kaliwat nga umaabot,/ ug ang iyang umaabot nga mga binuhat padayga sa Ginoo:/ "Ang Ginoo mitan-aw gikan sa iyang balaang bukid,/ gikan sa langit gitan-aw niya ang yuta,/ Arong pagpamati sa aguilo sa mga binilanggo,/ aron pagluwas kanila nga gihukman sa kamatayon."

TUBAG:

GIKAN SA LANGIT GITAN-AW SA GINOO ANG YUTA

Ang mga anak sa imong sulugoon molungtad,/ ug ang iyang kaliwat magpadayon diha sa imong atubangan,/ Aron ang ngalan sa Ginoo isangyaw sa Sion,/ ug ang iyang pagdayeg, diha sa Jerusalem./ Diha nga ang katawhan magapundok,/ ug ang iyang mga gingharian, aron pag-alagad sa Ginoo.

TUBAG:

GIKAN SA LANGIT GITAN-AW SA GINOO ANG YUTA

ASIN UG KAHAYAG Lyrics

A E D

KAMO ANG ASIN SA KATAWHAN

D E A

NAG-INGON KANATO ANG GINOO

A E D A

KON ANG ASIN KAWAD-AN SA IYANG KAPARAT

D E A-A7 D E A-A7

WALA NA KINI KAPUSLANAN, UG ANGAY LAMANG ISALIBAY

D E A-A7

UG TUNOB TUNUBAN SA MGA TAWO

D E A-A7

KON MAINGON NIINI ANG TAWO

D BM BM-E

KAWAD-AN SIYAG BILI NING KALIBUTAN

AYAW KAHADLOK Lyrics

AYAW KAHADLOK SA INYONG PAGPANAW SA KALAWORAN

ANG GINOO ANAA KANUNAY SA INYONG KILIRAN

AYAW KAHADLOK NGA MOABOT ANG KATALAGMAN

KAMO PANALIPDAN, SA GUGMA ATONG AMAHAN…AH..

KON INYONG GITINGUHA NGA INYONG KAALAGARAN

ANG MGA KAIGSOONAN, LABI NA ANG MGA HINIKAWAN

ANGAYAN NGA LIG-ONON NINYO

ANG INYONG BARUGANAN

TUNGOD KAY DILI LALIM ANG INYONG NASUDLAN. APAN…

DIOS NAMO SA KALOOY Lyrics

DIOS NAMO SA KALOOY, IKAW ANG AMONG AMAHAN

MAGBUHUHAT, MANUNUBOS

UG GINOO SA NGA TANAN

KORO:

JESUS MALOOY KA KANAMO, PASAYLOON MO KAMI

ANG SALA GIDUMTAN NAMO, DILI NA MAG-USAB KAMI

NAMATAY SI JESUKRISTO, DIDTO SA KALBARYO

ARON NGA KITA MALUWAS, SA KASUBO NGA DAKO

(REPEAT KORO)

DIOS LAMANG ANG NAKAKAALAM Lyrics

ANG BUHAY TULAD NG ISANG AWIT LAMANG

MAYROONG SIMULA AT MAY KATAPUSAN

ANG ARAW AT GABI’Y LUMULUNGKOT HIRANG

SA MGA SULIRANING PINAGLALABAN

ANG AKING PAGKUKUNWARI SA BUHAY

PAGBABALATKAYO SA KATOTOHANAN

ANO MAN ANG AKING MAGING KAPALARAN

TANGIG DIOS LAMANG ANG NAKAKAALAM

DIOSNONG MAGTUTUDLO Lyrics

DIOSNONG MAGTUTUDLO

DIOSNONG MAGTUTUDLO, ANIA KAME KARON

BINUKSAN ANG KASINGKASING, SA IMONG PULONG

DINHI NIINING TIGUM, IMO KAMING GITAWAG

ARON LAMANG MABUHI, SA IMONG MGA GASA

February 15, 2023, Ebanghelyo Bisaya/Cebuano

PAGBASA GIKAN SA SANTOS NGA EBANGHELYO SUMALA NI MARCOS (Mk.8:22-26)

Pag-abot nila sa Betsaida, dihay usa ka buta nga gidala sa pipila ka tawo ngadto kang Jesus, ug gihangyo nila si Jesus sa paghikap kaniya. Gigunitan ni jesus ang kamut sa  buta ug gidala siya ngadto sa gawas sa balangay. Human tuthoi ni Jesus ang mga mata sa tawo, gitapion niya ang iyang mga kamut diha sa tawo, ug gipangutana niya, "May nakita ka ba?"

Mihangad ang tawo ug miingon, "Nakakita akong mga tawo, apan ingon silang mga kahoy nga naglakawlakaw." Unya gitapion pag-usab ni Jesus ang iyang mga kamut sa mga mata sa tawo. Niining higayona mitutok ang tawo ug nahibalik ang iyang maayong panan-aw. Unya gipapauli siya ni Jesus ug gipinahan sa dili pagbalik sa balangay.

ANG EBANGHELYO SA GINOO.

DAYGON KO IKAW O CRISTO.

February 15, 2023, Salmo Responsoryo

TUBAG:

KANIMO, O GINOO, AKONG IHALAD ANG SAKRIPISYO SA PAGDAYEG.

Unsaon ko pagbalos sa Ginoo/ sa tanan nga mga kaayohan nga iyang nahimo kanako?/ Imnon ko ang kopa sa kaluwasan/ ug sangpiton ko ang ngalan sa Ginoo.

TUBAG:

KANIMO, O GINOO, AKONG IHALAD ANG SAKRIPISYO SA PAGDAYEG.

Tumanon ko ang akong mga panaad ngadto sa Ginoo/ diha sa atubangan sa tibuok niyang lungsod./ Bililhon sa mga mata sa Ginoo/ ang kamatayon sa iyang/ matinumanon nga mga sulugoon.

TUBAG:

KANIMO, O GINOO, AKONG IHALAD ANG SAKRIPISYO SA PAGDAYEG.

Tumanon ko ang akong panaad ngadto sa Ginoo/ diha sa atubangan sa tibuok niyang lungsod,. Diha sa Kahawanan sa balay sa Ginoo,/ diha sa taliwala nimo, o Jerusalem.

TUBAG:

KANIMO, O GINOO, AKONG IHALAD ANG SAKRIPISYO SA PAGDAYEG.

February 14, 2023, Salmo Responsoryo

TUBAG:

ANG IYANG LUNGSOD PANALANGINAN SA GINOO UG KALINAW.

Hatagi ang Ginoo, kamong mga anak sa Dios,/ hatagi ang Ginoo sa himaya ug pagdayeg,/ Hatagi ang Ginoo sa himaya nga angay sa iyang ngalan,/ simbaha ang Ginoo diha sa balaang saput.

TUBAG:

ANG IYANG LUNGSOD PANALANGINAN SA GINOO UG KALINAW.

Ang tingog sa Ginoo anaa ibabaw sa katubigan,/ ang GInoo, ibabaw sa halapad nga katubigan./ Ang tingog sa Ginoo gamhanan;/ ang tingog sa Ginoo harianon.

TUBAG:

ANG IYANG LUNGSOD PANALANGINAN SA GINOO UG KALINAW.

Ang Dios sa himaya nagadalugdog,/ ug diha sa iyang templo nagaingon ang tanan, "Himaya!"/ Ang Ginoo gipalingkod sa trono ibabaw sa baha;/ ang Ginoo gipalingkod sa trono daw hari hangtod sa kahangturan.

TUBAG:

ANG IYANG LUNGSOD PANALANGINAN SA GINOO UG KALINAW.

February 14, 2023, Ebanghelyo Bisaya/ Cebuano

PAGBASA GIKAN SA SANTOS NGA EBANGHELYO SUMALA NI MARCOS (Mk. 8:14-21)

Ang mga tinun-an nakalimot sa pagdalag pan; apan didtoy usa ka buok pan sa sakayan. Unya miingon si Jesus kanila, "Pagbantay kamo sa igpapatubo sa pan sa mga Pariseo ug ni Herodes."

Ug nag-ingnanay sila. "Gisulti niya kini kay wala man kitay pan."

February 13, 2023, Ebanghelyo Bisaya/Cebuano

PAGBASA GIKAN SA SANTOS NGA EBANGHELYO SUMALA NI MARCOS (Mk. 8:11-13)

May pipila ka mga Pariseo nga miabot ug nakiglantugi kang Jesus. Buot nilang bitkon si Jesus, busa gihangyo nila siya sa pagpakita ug ilhanan nga pinadala siya sa Dios. Nanghupaw'g lawom si Jesus ug miingon, "Nganong nangita man og ilhanan gikan sa Dios ang mga tawo niining panahona? Apan sultihan ko kamo nga walay ilhanan nga ipakita niining mga tawhana!"

Unya iyang gibiyaan siya ug mibalik siya pagsakay sa sakayan, ug mitabok sa Lanaw.

ANG EBANGHELYO SA GINOO.

DAYGON KO IKAW O CRISTO.

February 13, 2023, Salmo Responsoryo

TUBAG:

IHALAD SA DIOS ANG USA KA SAKRIPISYO SA PAGDAYEG

Ang Ginoong Dios misulti ug mitawag sa yuta,/ gikan sa pagsubang sa adlaw hangtod sa iyang pagsalop./ Dili tungod sa imong mga sakripisyo gibadlong ko ikaw,/ kay ang imong mga halad anaa kanunay sa akong atubangan.

TUBAG:

IHALAD SA DIOS ANG USA KA SAKRIPISYO SA PAGDAYEG

"Nganong giasoy mo man ang akong kasugoan,/ ug gibungat mo ang akong kasabutan sa  imong baba/ bisan kontra nimo ang disiplina/ ug gisalikway mo ang akong mga pulong?"

TUBAG:

IHALAD SA DIOS ANG USA KA SAKRIPISYO SA PAGDAYEG

Nagasulti ka batok sa imong igsuon,/ batok sa anak sa imong amahan nagpanglibak ikaw./ Sa paghimo nimo niining mga butanga magpaka bungol ba ako,/ o naghunahuna ka ba nga sama ako kanimo?/ Buyagon ko ikaw diha sa pagpakita niini kanila/ atubangan sa imong mga mata.

TUBAG:

IHALAD SA DIOS ANG USA KA SAKRIPISYO SA PAGDAYEG

February 12, 2023, Salmo Responsoryo

TUBAG:

BULAHAN SILA NGA NAGATUMAN SA BALAOD SA GINOO.

Bulahan sila kansang paagi walay ikasaway, nga nagalakat diha sa balaod sa Ginoo. Bulahan sila nga nagatuman sa iyang mga kasugoan, nga nangita niya sa tibuok nilang kasingkasing.

TUBAG:

BULAHAN SILA NGA NAGATUMAN SA BALAOD SA GINOO.

Nagsugo ka nga tumanon pag-ayo ang imong mga sugo, Hinaot nta nga maglig-on ako diha sa mga dalan, sa pag-amping sa imong mga kasugoan.

TUBAG:

BULAHAN SILA NGA NAGATUMAN SA BALAOD SA GINOO.

Kaloy-i ang imong sulugoon, aron mabuhi ako ug mag-amping sa imong mga pulong. Ablihi angakong mga mata aron magpalandong ako sa mga katingalahan sa imong balaod.

TUBAG:

BULAHAN SILA NGA NAGATUMAN SA BALAOD SA GINOO.

Tudloi ako, O Ginoo, sa paagi sa imong mga kasugoan, aron ayohon ko sila pagtuman. Tagai akong kinaadman aron akong tumanon ang imong mga sugo ug ampingan ko sa tibuok kong kasingkasing.

TUBAG:

BULAHAN SILA NGA NAGATUMAN SA BALAOD SA GINOO.

February 12, 2023, Ebanghelyo Bisaya / Cebuano

EBANGHELYO:

PAGBASA GIKAN SA SANTOS NGA EBANGHELYO SUMALA NI MATEO (Mt.5:17-37)

Si Jesus miingon sa iyang mga tinun-an, "Ayaw ninyo hunahunaa nga mianhi ako aron pagsalikway sa Balaod ni Moises ug sa mga pagtulon-an sa mga propeta. Wala ako moanhi aron pagsalikway niini, kon dili aron paghatag niini ug hustong kahulugan. Timan-i kini: samtang may langit pa ug yuta, bisan ang labing gamay nga kudlit o ang labing diyotay nga bahin sa Balaod, dili gayod sayloan hangtod matuman bisan sa labing gamay'ng bahin sa kasugoan ug magtudlo sa uban sa pagbuhat sa ingon, mahimong labing iwit sa Gingharian sa langit. Apan ang magtuman sa Balaod ug magtudlo sa uban sa pagbuhat sa ingon mahimong dako sa Gingharian sa langit. Busa mag-ingon ako kaninyo nga dilikamo makasulod sa Gingharian sa langit kon ang inyong pagtuman sa kabubut-on sa Dios sama lamang sa gihimo sa mga magtutudlo sa Balaod ug sa mga Pariseo."

February 11, 2023, Ebanghelyo Bisaya

MAHAL NGA BIRHEN MARIA SA LOURDES, ANG BIRHEN MARIA KAAYOHAN SA MGA MASAKITON.

PAGBASA GIKAN SA SANTOS NGA EBANGHELYO SUMALA NI MARCOS (Mk. 8:1-10)

Wala madugay, may laing dakong panon sa mga tawo nga nagkatapok. Sa dihang wala na silay magpakon, gipaduol ni Jesus kaniya ang iyang mga tinun-an ug giingnan niya, "Naluoy ako niining mga tawhana, may tulo na karon ka adlaw nga mikuyog sila kanako, ug wala na silay makaon. Kon papaulion ko sila nga walay kaon, panguyapan sila sa dalan, kay ang uban kanila layo raba ug gigikanan." Nangutana kaniya ang iyang mga tinun-an, "Asa man kita mokuha ug pan dinhi niining awaaw nga dapit nga arang ikapakaon  niining mga tawhana?"

"Pila ba ka buok ang inyong pan?" Nangutana si Jesus kanila.

February 11, 2023, Salmo Responsoryo

TUBAG:

SA TANANG PANAHON, O GINOO, IKAW ANG AMONG DALANGPANAN.

Sa wala pa ihimogso ang kabukiran/ ug ang yuta ug ang kalibutan wala pa ianak, / sukad sa kahangturan hangtod sa kahangturan/ ikaw mao na ang Dios.

TUBAG:

SA TANANG PANAHON, O GINOO, IKAW ANG AMONG DALANGPANAN.

Gipabalik mo ang tawo ngadto sa abog/ nagaingon ka, "Balik, O mga anak sa mga tawo."/ Kay ang usa ka libo ka tuig diha sa imong atubangan/ ingon og kagahapon lamang, karon nga kadto milabay na, o ingon og usa ka pagbantay sa gabii.

TUBAG:

SA TANANG PANAHON, O GINOO, IKAW ANG AMONG DALANGPANAN.

Gitapos mo sila diha sa ilang paghikatulog;/ sa sunod nga buntag sama sila sa mabalhinong balili,/ Nga sa kaadlawon mogitib pag-usab,/ apan sa pagkagabii malaya ug malarag.

TUBAG:

SA TANANG PANAHON, O GINOO, IKAW ANG AMONG DALANGPANAN.

Tudloi kami sa matarong nga pag-isip sa among mga adlaw,/ aron makakab-ot kami ug kinaadman sa kasingkasing./ Balik na, O Ginoo, kanus-a pa? Kaloy-i ang imong mga sulugoon.

TUBAG:

SA TANANG PANAHON, O GINOO, IKAW ANG AMONG DALANGPANAN.

February 10, 2023, Salmo Responsoryo

TUBAG:

BULAHAN SILA KANSANG SALA GIPASAYLO.

Bulahan siya kansang kalapasan gikuha,/ kansang sala gitabonan./ Bulahan ang tawo nga wala pasanginlig sala sa Ginoo,/ diha sa kansang espiritu walay kadautan.

TUBAG:

BULAHAN SILA KANSANG SALA GIPASAYLO.

Unya akong giila ang akong sala atubangan kanimo,/ ang akong kasaypanan wala nako taboni./ Miingon ako "Ikompisal ko ang akong mga kalapasan sa Ginoo,"/ ug imong gikuha ang kasaypanan sa akong sala.

TUBAG:

BULAHAN SILA KANSANG SALA GIPASAYLO.

Tungod niini ang tanang tawo nga nagatoo nag-ampo kanimo/ sa panahon sa kagul-anan./ Bisan lawom nga mga tubig mobaha,/ dili sila makaabot kanako.

TUBAG:

BULAHAN SILA KANSANG SALA GIPASAYLO.

Ikaw ang akong salipdanan;/ sa kagul-anan imo akokng ampingan;/ sa malipayon nga mga singgit sa kaluwasan/ imo ako nga libotan.

TUBAG:

BULAHAN SILA KANSANG SALA GIPASAYLO.

February 10, 2023, Ebanghelyo Bisaya/Cebuano

SANTA ESCOLASTICA, Birhen

Scholastica, a sister of Saint Benedict, was born ni Nursia, Italy about the year 480. She vowed herself to god and followed her brother no Monte Cassino. She died there around the year 547.

PAGBASA GIKAN SA SANTOS NGA EBANGHELYO SUMALA NI MARCOS (Mk. 7:31-37)

Unya mibiya si Jesus sa Yuta duol sa Tiro ug milakaw latas sa Sidon ngadto sa Lanaw sa Galilea, agi sa yuta sa Decapolis. Ug may usa ka tawo nga bungol ug amang nga gidala sa pipila ka mga tawo ngadto kang jesus, ug mihangyo sila kaniya nga ang iyang kamut itapion niya sa tawo, ug gikulkog niya ang iyang mga tudlo sa dalunggan sa tawo. Unya gituthoan niya ang iyang mga tudlo ug iyang gihikap ang dila sa tawo. ug mihangad si Jesus sa langit, nanghupaw siya, ug miingon sa tawo, "Efata" nga sa ato pa, "Maabli ka!"

February 9, 2023, Salmo Responsoryo

TUBAG:

BULAHAN SILA NGA MAHADLOKON SA GINOO.

Bulahan ikaw nga mahadlokon sa Ginoo,/ nga nagalakaw sa iyang kadalanan!/ Kay magakaon ka sa bunga sa imong binuhatan;/ mabulahan gayod ikaw ug mapanalanginan.

TUBAG:

BULAHAN SILA NGA MAHADLOKON SA GINOO.

Ang imong asawa mahisama sa usa ka mabungahon nga bagon/ nga anaa sa tugkaran sa imong balay;/ Ang imong mga anak sama sa mga tanon sa olibo/ libot sa imong talad.

TUBAG:

BULAHAN SILA NGA MAHADLOKON SA GINOO.

Tan-awa sa ingon niinin panalanginan ang tawo nga mahadlokon sa Ginoo./ Manalangin kanimo ang Ginoo gikan sa Sion:/ makita mo unta ang kabulahanan sa Jerusalem/ sa tanang mga adlaw sa imong kinabuhi.

TUBAG:

BULAHAN SILA NGA MAHADLOKON SA GINOO.

February 9, 2023, Ebanghelyo Bisaya/Cebuano

EBANGHELYO: PAGBASA GIKAN SA SANTOS NGA EBANGHELYO SUMALA NI MARCOS (Mk. 7:24-30)

Unya milakaw si Jesus ug miadto sa kayutaan duol sa siyudad sa Tiro. Misulod siya sa usa ka balay ug dili unta siya buot nga may mahibalo nga siya didto sa sulod, apan wala gayod siya makatago. Dihay usa ka inahan nga may anak nga babaye nga giyawaan. Sa pagkabalita niya mahitungod kang Jesus, miadto dayon siya kaniya ug mihapa sa iyang tiilan. Ang maong babaye usa ka langyaw nga didto matawo sa Fenicia, sa Siria. Iyang gihangyo si Jesus sa paghingilin sa yawa gikan sa iyang anak. Apan si Jesus mitubag, "Kinahanglan unahon pagpakaon ang mga anak; dili maayo nga kuhaon ang pagkaon sa mga anak ug ipakaon sa mga iro."

Mitubag ang babaye, "Apan sir, bisan gai ang mga iro diha ilalom sa lamesa makakaon man sa mumho sa kabataan."

Ug miingon si Jesus kaniya, "Tungod sa imong gisulti makapauli kana; ang yawa migula na gikan sa imong anak!" 

Busa mipauli ang babaye sa ila ug iyang hikaplagan ang iyang anak nga naghigda; wala na diha kaniya ang yawa.

ANG EBANGHELYO SA GINOO.

DAYGON KO IKAW O CRISTO.

February 8, 2023, Salmo Responsoryo

TUBAG:

DAYGA ANG GINOO, KALAG KO

Dayga ang Ginoo, kalag ko!/ O Ginoo, akong Dios, dako gayod ikaw!/ Gisul-oban ikaw sa kahalangdon ug himaya,/ gibistihan diha sa kahayag ingon og usa ka kapa.

TUBAG:

DAYGA ANG GINOO, KALAG KO

Ang tanang mga binuhat nagapaabot kanimo/ aron tagaan mo sila og pagkaon sa igong panahon./ Sa imong paghatag niini kanila, ila kini nga gipundok; sa pagbukhad mo sa imong kamut, napuno siya sa kaayohan.

TUBAG:

DAYGA ANG GINOO, KALAG KO

Kon imong huhaan sila sa ginhawa,/ mangamatay siya ug mobalik sa ilang pagka-abog./ Kon imong ipadala ang imong espiritu, mabuhat sila,/ ug mabag-o ang nawong sa yuta.

TUBAG:

DAYGA ANG GINOO, KALAG KO

February 8, 2023, Ebanghelyo

PAGBASA GIKAN SA SANTOS NGA EBANGHELYO SUMALA NI MARCOS (Mk. 7:13-23)

Unya gipadool pag-usab ni Jesus ang panon sa katawhan, ug miingon siya kanila, "Pamati kamong tanan ug sabta ninyo kini: bisan unsa nga mosulod sa baba sa tawo dili makahugaw kaniya. Ang makahugaw sa tawo mao kadtong  mogula kaniya." 

Sa pagbiya na niya sa panon sa katawhan ug pagsulod sa balay, gipangutana siya sa iyang mga tinun-an mahitungod niining mga panultihona. "Sa inyong panabot sama ra kamo sa uban," mitubag si Jesus kanila. "Wala diay kamu makasabot? Bisan unsa nga mosulod sa baba sa tawo dili makahugaw kaniya, kay kini dili man mosulod sa iyang kasingkasing, kondili ngadto sa iyang tiyan, ug unya mogula usab sa lawas." (Sa pagsulti ni Jesus niini, iyang gipahayag nga mahimong kan-on ang tanang pagkaon.)

Ug mipadayong siya sa pag-ingon, "Ang makahugaw sa tawo mao kadtong mogula kaniya. Kay gikan sa sulod, gikan sa kasingkasing sa tawo, manggula ang mga daotang hunahuna, pagpakighilawas, pagpangawat, pagpatay, pagpanapaw,  pagkaibog, pagpanlimbong, kalaw-ay, kasina, pagbutangbutang, pagpagarbo, ug pagbinuang --- kining tanan naggikan sa sulod sa tawo ug maoy makahugaw kaniya."

ANG EBANGHELYO SA GINOO.

DAYGON KO IKAW O CRISTO.

February 7, 2023, Ebanghelyo

 PAGBASA GIKAN SA SANTOS NGA EBANGHELYO SUMALA NI MARCOS (Mk. 7: 1-13)

Ang mga Pariseo ug pipila sa mga magtutudlo sa Balaod nga gikan sa Jerusalem mialirong kang Jesus. Ug namatikdan nila nga may mga tinun-an ni jesus nga nangaon nga "hugaw" og kamot, sa ato pa, wala sila makapanghunaw sumala sa paagi nga gitudlo sa mga Pariseo nga buhaton sa mga tawo.

(Kay ang mga Judio gud, labi na ang mga Pariseo, nagtuman man sa mga gitudlo sa ilang mga katigulangan. Dili mokoan ang mga Pariseo kon dili una sila makapanghunaw sa hustong paagi, ni mokaon sila ug bisan unsa nga gikan sa merkado kon dili pa nila kini kahugasan. May daghan pang mga sugo nga ilang nadawat ug gituman, ingon pananglit sa hustong paagi sa paghugas sa mga tasa, mga kulon, mga panaksan nga tumbaga, ug mga higdaanan.)

February 7, 2023, Salmo Responsoryo

TUBAG:

O GINOO, AMONG DIOS, PAGKAHIBULONGAN SA IMONG NGALAN DIHA SA TIBUOK KALIBUTAN.

Sa pagtan-aw nako sa imong kalangitan, ang buhat sa imong mga tudlo,/ ang buwan ug ang kabitoonan nga imong gipahiluna - - -/ Unsa ba ang tawo nga nanumbaling  ka man kaniya,/ o ang anak sa tawo nga nagtagad ka man  kaniya?

TUBAG:

O GINOO, AMONG DIOS, PAGKAHIBULONGAN SA IMONG NGALAN DIHA SA TIBUOK KALIBUTAN.

Imo siyang gibuhat nga ubos lamang og diyotay sa mga anghel,/ ug imo siyang gipurongpurongan sa himaya ug kadungganan,. Gihatag mo kaniya ang pagmando sa mga buhat sa imong mga kamut,/ gibutang mo ang tanan ubos sa iyang tiilan.

TUBAG:

O GINOO, AMONG DIOS, PAGKAHIBULONGAN SA IMONG NGALAN DIHA SA TIBUOK KALIBUTAN.

Ang tanang mga karnero ug kabakahan,/ oo, bisan ang mga mananap sa kaumahan,/ Ang mga langgam sa kahanginan, ang mga isda sa  kadagatan,/ ug ang tanan nga nagalangoy sa katubigan.

TUBAG:

O GINOO, AMONG DIOS, PAGKAHIBULONGAN SA IMONG NGALAN DIHA SA TIBUOK KALIBUTAN.

February 6, 2023, Ebanghelyo

PAGBASA GIKAN SA SANTOS NGA EBANGHELYO SUMALA NI MARCOS (Mk. 6:53-56)

Mitabok sa lanaw ug midunggo sa Genesaret ug gihigot nila ang ilang sakayan. Sa pagkawa na nila nailhan dayon si Jesus sa mga tawo.  Busa nanagan sila sila ngadto sa kasikbit nga mga balangay ug gidala ngadto kang Jesus ang mga masakiton nga naghigda sa ilang mga higdaanan. Bisan asa si Jesus moadto, sa kabalangayan, dad-on sa mga tawo ang ilang mga masakiton ngadto sa mga tiyanggihan. Nagpakiluoy sila nga ang ilang masakiton pahikapon bisan lamang sa sidsid sa iyang bisti; ug nangaayo ang tanan nga nakahikap kaniya.

ANG EBANGHELYO SA GINOO.

DAYGON KO IKAW O CRISTO.

February 6, 2023, Salmo Responsoryo

TUBAG:

Maglipay unta ang Ginoo diha sa iyang mga buhat.

Dayga ang Ginoo, kalag ko!/ O Ginoo, akong Diios, dako gayod ikaw,/ Gisul-oban ikaw sa kahalangdon ug himaya./ gibistihan diha sa kahayag ingon og usa ka kapa.

TUBAG:

Maglipay unta ang Ginoo diha sa iyang mga buhat.

Imong gilig-on ang yuta diha sa iyang baroganan,/ aron dili matarog sa kahangtoran;/ Sa kalawran, ingon og usa ka sapot, imo kini nga gitabonan; labaw sa kabukiran miabot ang mga tubig.

TUBAG:

Maglipay unta ang Ginoo diha sa iyang mga buhat.

Imong gipabul-og ang  mga tubod ngadto sa katubigan/ ang hangin diha sa kabukiran./ Gawas kanila ang mga langgam nagpuyo sa kalangitan;/ gikan sa kasangahan nagpalutaw sila sa ilang mga awit.

TUBAG:

Maglipay unta ang Ginoo diha sa iyang mga buhat.

Pagkadaghan sa imong mga buhat, O Ginoo,/ diha sa kinaadman imo silang gibuhat nga tanan./ Ang yuta puno sa imong mga binuhat;/ dayga ang Ginoo, kalag ko, Aleluya.

TUBAG:

Maglipay unta ang Ginoo diha sa iyang mga buhat.

February 5, 2023, Ebanghelyo, Una ug Ikaduhang Pag-Basa

EBANGHELYO:

PAGBASA GIKAN SA SANTOS NGA EBANGHELYO SUMALA NI MATEO (Mt: 5:13-16)

Si Jesus miingon sa iyang mga tinun-an, 

"Kamo ang asin sa katawhan. Kon ang asin kawad-an sa iyang kaparat, unsaon pa man pagpabalik sa kaparat niini? Kini wal nay kapuslanan ug angay na lamang isalibay ug tunob-tunoban sa mga tawo."

"Kamo ang kahayag sa katawhan. Ang siyudad nga nahimutang sa bungtod dili gayod matago. Walay magdagkot ug suga aron lamang tagoan sa gantangan, kondili ibutang gayod sa tungtunganan aron makadan-ag sa tanan nga anaa sa balay. Busa ipadan-ag gayod ang inyong kahayag atubangan sa mga tawo, aron makita nila ang inyong mga maayong buhat ug magdayeg sila sa inyong Amahan nga atua sa langit.

ANG EBANGHELYO SA GINOO.

DAYGON KO IKAW O CRISTO.

February 5, 2023, Salmo Responsoryo Bisaya

TUBAG:

ANG MATARONG KAHAYAG DIHA SA KANGITNGIT ALANG SA BUOTAN.

Ang Ginoo nagabanagbanag latas sa kangitngitan, usa ka kahayag alang sa buotan;/ maghigugmaon siya ug maluluy-on, ug matarong./ Maayo siya alang sa tawo nga maluluy-on ug manggihatagon,/ sa tawo nga nagadumala sa iyang patigayon uban sa katarong.

TUBAG:

ANG MATARONG KAHAYAG DIHA SA KANGITNGIT ALANG SA BUOTAN.

Dili gayod siya mabalhin;/ ang matarong mahinumdoman kanunay hangtod sa kahangturan/ Dili siya mahadlok sa dautang mga taho;/ malig-on ang iyang kasingkasing kay nagasalig siya sa Ginoo.

TUBAG:

ANG MATARONG KAHAYAG DIHA SA KANGITNGIT ALANG SA BUOTAN.

Ang iyang kasingkasing makanunayon, dili gayod siya mahadlok./ Kusog siyang mohatag sa mga kabus;/ Ang iyang kaliwat molungtad hangtod sa kahangturan;/ ang iyang gahom ibayaw diha sa himaya.

TUBAG:

ANG MATARONG KAHAYAG DIHA SA KANGITNGIT ALANG SA BUOTAN.

February (Pebrero) 4, 2023, Ebanghelyo, Unang Pagbasa

EBANGHELYO:

PAGBASA GIKAN SA SANTOS NGA EBANGHELYO SUMALA NI MARCOS (Mk. 6:30-34)

Namalik ang mga apostoles ug nakigkita sila kang Jesus, ug ilang gisugilon kaniya ang tanan nilang nahimo ug natudlo. Daghan kaayo ang mga tawo nga nagpulipuli pagpangabot ug pagpanlakaw; tungod niini si Jesus ug ang iyang mga tinun-an wala nay higayon bisan gani sa pagpangaon. Busa miingon si Jesus sa iyang mga tinun-an,

"Mangadto kita sa dapit nga awaaw aron makapahulay kamog diyotay."

Busa nanakay sila sa usa ka sakayan ug nangadto sa usa ka dapit nga awaaw.

Apan daghang mga tawo ang nakakita sa ilang pagbiya ug nailhan sila dayon; busa ang  mga tawo sa tanang lungsod miadto nga nagdagan ug nahiuna pa gani pag-abot sa dapit nga giadtoan ni Jesus ug sa iyang mga tinun-an. Sa pagkawas ni Jesus sa sakayan, nakita niya kining dakong panon sa katawhan ug naluoy siya pag-ayo kanila, kay sama man sila sa mga karnero nga walay magbalantay. Ug gitudloan niya sila sa daghang mga butang.

ANG EBANGHELYO SA GINOO.

DAYGON KO IKAW, O CRISTO.

February (Pebrero) 4, 2023, Salmo Responsoryo

TUBAG:

MAGBALANTAY KANKO ANG GINOO; WALA NAY MAGMAKULANG PA KANAKO

Magbalantay kanko ang Ginoo; wala nay magmakulang pa kanako./ sa lunhaw nga sibsibanan iya ako nga gipapahulay./ Sa daplin sa malinawon nga tubig iya akong gidala./ iyang gihupay ang akong kalag.

TUBAG:

MAGBALANTAY KANKO ANG GINOO; WALA NAY MAGMAKULANG PA KANAKO

Iya ako nga gitultulan sa matarong nga mga agianan tungod sa iyang ngalan./ Bisan kon maglakaw ako sa walog nga mangitngit,/ wala akoy kahadlokan nga dautan, kay anaa ka man sa akong kiliran./ Sa imong igbubugaw ug sungkod gihatagan mo ako og kaisog.

TUBAG:

MAGBALANTAY KANKO ANG GINOO; WALA NAY MAGMAKULANG PA KANAKO

Gihikyaran mo ako og lamesa sa akong atubangan./ samtang nagtan-aw ang akong mga kaaway;/ Gidihogan mo ang akong ulo ug lana;/ nagaawas gayod ang akong imnanan.

TUBAG:

MAGBALANTAY KANKO ANG GINOO; WALA NAY MAGMAKULANG PA KANAKO

Ang kaayo lamang ug kaluoy maoy magasunod kanako/ sa tanang mga adlaw sa akong kinabuhi;/ Ug magpuyo ako sa balay sa Ginoo/ sa mga katuigan nga moabot.

TUBAG:

MAGBALANTAY KANKO ANG GINOO; WALA NAY MAGMAKULANG PA KANAKO

February (Pebrero) 3, 2023, Salmo Responsoryo (Bisaya/Cebuano)

TUBAG:

ANG GINOO MAOY AKONG KAHAYAG UG AKONG KALUWASAN

Ang Ginoo maoy akong kahayag ug akong kaluwasan;/ kinsa may akong kalisangan?/ Ang Ginoo maoy dalangpanan sa akong kinabuhi;/ kinsa pa may akong kahadlokan?

TUBAG:

ANG GINOO MAOY AKONG KAHAYAG UG AKONG KALUWASAN

Bisan mga kasundalohan magpundok batok kanako,/ dili malisang ang akong kasingkasing;/ Bisan may gubat batok kanako,/ bisan pa niana mosalig ako.

TUBAG:

ANG GINOO MAOY AKONG KAHAYAG UG AKONG KALUWASAN

Kay tagoan ako niya diha sa iyang puloy-anan/ sa adlaw sa kasamok;/ Iya akong salipdan sa sulod sa iyang tolda, iya akong ibutang sa ibabaw sa usa ka bato.

TUBAG:

ANG GINOO MAOY AKONG KAHAYAG UG AKONG KALUWASAN

Ikaw, O Ginoo, ang akong gipangita,/ ayaw tagoa kanako ang imong nawong;/ Ayaw iwakli ang imong sulugoon diha sa kapungot./ Ikaw ang akong mananabang; ayaw ako isalikway.

TUBAG:

ANG GINOO MAOY AKONG KAHAYAG UG AKONG KALUWASAN

February (Pebrero) 3, 2023, Ebanghelyo, Unang Pagbasa

PAGBASA GIKAN SA SANTOS NGA EBANGHELYO SUMALA NI MARCOS (Mk. 6:14-29)

Si Hari Herodes nakadungog niining tanan, kay nasangyaw na man sa tanang dapit ang kabantog ni Jesus. May mga tawo nga miingon, "Nabanhaw si Juan nga Magbubunyag. Mao kini ang hinungdan nga nahimo niya ang mga milagro."

May miingon usab nga siya mao si Elias.

Apan ang uban miingon, "Propeta siya sama sa mga bantogang propeta sa karaang panahon."

Sa pagkadungog ni Herodes sa gibuhat ni Jesus, siya miingon, "Siya mao si Juan nga Magbubunyag nga akong gipapapunggotan, apan nabanhaw."

February (Pebrero) 2, 2023, Salmo Responsoryo (Bisaya / Cebuano)

TUBAG:

KINSA KINING HARI SA HIMAYA? ANG GINOO MAO SIYA.

Alsaha, O mga hanghaan ang inyong marko:/ pataas kamo, mga karaang pultahan, aron mosulod ang hari sa himaya.

TUBAG:

KINSA KINING HARI SA HIMAYA? ANG GINOO MAO SIYA.

Kinsa kining hari sa himaya?/ Ang Ginoo, makusganon ug gamhanan, ang Ginoo, gamhanan sa Gubag.

TUBAG:

KINSA KINING HARI SA HIMAYA? ANG GINOO MAO SIYA.

Alsaha, o mga hanghaan ang inyong marko:/ Pataas kamo mga karaang pultahan, aron mosulod ang hari sa Himaya.

TUBAG:

KINSA KINING HARI SA HIMAYA? ANG GINOO MAO SIYA.

February (Pebrero) 2, 2023, Ebanghelyo (Gospel Bisaya/Cebuano)

 PAGBASA GIKAN SA SANTOS NGA EBANGHELYO SUMALA NI LUCAS (Lk. 1:22-32)

Miabot ang panahon nga si Jose ug Maria magtuman sa seremonyas sa paghinlo sumala sa gisugo sa Balaod ni Moises. Busa gidala nila ang bata ngadto sa Jerusalem aron ihalad nila  sa Ginoo. Mao kini ang nasulat sa balaod sa Ginoo: 

"Ang tanang panganayng lalaki kinahanglang ihalad ngadto sa Ginoo." 

Miadto usab sila aron paghalad sumala sa gisugo sa balaod sa Ginoo: usa ka paris nga tukmo o duha ka kuyabog nga salampati. Niining panahona may tawo nga nagpuyo sa Jerusalem nga ginganlag Simeon. Maayo siyang tawo ug mahadlokon sa Dios, ug nagpaabot sa kaluwasan sa Israel. Nag-uban kaniya ang Espiritu Santo, ug gipasaligan siya sa Espiritu anto nga dili siya mamatay hangtod makita niya ang Mesiyas nga gisaad sa Ginoo. Minandoan sa Espiritu, Misulod si Simeon sa Templo. Sa gidala na si Jesus sa iyang mga ginikanan ngadto sa Templo aron didto ilang himoon kaniya ang gisugo sa Balaod, gikugos ni Simeon ang bata ug nagpasalamat siya sa Dios:

"Karon Ginoo, kay imo na mang gituman ang imong saad, Itugot na nga ang imong sulugoon mohalin nga malinawon. Kay sa kaugalingon kong mga mata nakita ko ang imong kaluwasan, nga imong giandam atubangan sa tanang katawhan: Usa ka kahayag nga magpadayag sa imong dalan ngadto sa mga dili Judio, ug maghatag sa himaya ngadto sa imong katawhan, ang Israel."

ANG EBANGHELYO SA GINOO.

DAYGON KO IKAW, O CRISTO.

February (Pebrero) 1, 2023, Salmo Responsoryo

TUBAG:

ANG KALOOY SA GINOO MALUNGTARON ALANG KANILA NGA MAHADLOKON KANIYA

Dayga ang Ginoo, kalag ko;/ tibuok konh kaugalingon, dayga ang iyang balaang ngalan./ Dayga ang Ginoo, kalag ko;/ ug ayawg hikalimte ang tanan niyang mha kaayohan.

TUBAG:

ANG KALOOY SA GINOO MALUNGTARON ALANG KANILA NGA MAHADLOKON KANIYA

Maingon nga sng usa ka Amahan malooy sa iyang mga naka, / sa ingon maluoy ang Ginoo kankla nga mahadlokon kaniya,/ Kay sayod siya giunsa kita pagbuhat/ nahibumdom siya nga abog lamang kita.

TUBAG:

ANG KALOOY SA GINOO MALUNGTARON ALANG KANILA NGA MAHADLOKON KANIYA

Apan ang kalooy sa Ginoo gikan sa kahangturan hangtud sa kahangturan/ alang kanila nga mahadlokon kaniya,/ Ug ang iyang katarong alang sa mga anak sa mga anak/ diha kanila nga nagaamping sa iyang kasabutan.

TUBAG:

ANG KALOOY SA GINOO MALUNGTARON ALANG KANILA NGA MAHADLOKON KANIYA

February (Pebrero) 1, 2023, Ebanghelyo, Unang Pagbasa

PAGBASAN GIKAN SA SANTOS NGA EBANGHELYO SUMALA NI MARCOS (MK. 6:1-6)

Si Jesus mibiya niadtong dapita ug mipauli sa Nazaret nga iyang lungsod, ug mikuyog kaniya ang iyang mga tinun-an. San adlawng Igpapahulay miadto siya sa sinagoga ug nagtudlo sa mga tawi. Daghan ang mga tawo didto, ug sa ilang pagkadungog kaniya, nahibulong silang tanan. Busa nangutana sila, "Diin man niya hikat-oni ning tanan? Unsa mang matanga sa kaalam kining nabatonan niya? Ug giunsa man niya paghimog mga milagro? Dili ba siya mao man ang panday nga anak ni Maria, ug igsoon nila ni Santiago, ni Jose, ni Judas, ug ni Simon? Dili ba iyang mga igsuong babaye ania man dinhi magpuyo?" Tungod niini wala sila motuo kaniya.

Ug miingon si Jesus kanika, "Ang propeta gitahod sa tanang dapit gawas sa iyang kaugalingong lungsod, sa iyang mga kadugo ug sa iyang banay."

Wala siya makahimog milagro didto kay gawas sa pagtapion saniyang mga kamut niadtong pipila ka masakiton ug naayo sila. Natingala siya pag-ayo nga wala sila mutuo. Unya miadto si Jesus sa tanang kasikbit nga balangay ug nagtudlo sa mga tawo.

ANG EBANGHELYO SA GINOO.

DAYGON KO IKAW, O CRISTO.

‐------------‐--------------------------------------

UNANG PAGBASA: PAGBASA GIKAN SA SULAT NGADTO SA.MGA HEBREO ( Heb. 12:4-7.11-15)

Kay sa inyong  pagpakigbisog batok sa sala wala pa gayod kamo makig-away hangtod sa kamatayon. Nalimot ba kamo sa makapadasig nga mga pulong nga gisulti sa Dios kaninyo ingon nga iyang mga anak?

"Anak, ayaw.isipa nga diyotay rag bili ang pagkastigo sa Ginoo kanimo, ug ayaw kaluya kon badlongon ka niya. Kay kastigohon sa Dios ang tanan nga iyang gihigugma,nug latoson ang tanan nga iyang gisagop ingon nga anak."

Antosa ang pagkastigo kaninyo ingon nga kini gikan sa inyong amahan, kay nagpaila kini nga giisip kamo sa Dios nga iyang mga anak. May anak ba god nga dili kastigohan sa iyang amahan? Kon kastigohon kita, makasubo kini kanato inay makalipay. Apan sa kaulahian kadtong nakadawat sa maong pagpanton makaano sa kinabuhing matarong ug ganting malinawon.

Busa ituboy ang nahuyhoy ninyong mga kamut ug lig-ona ang naluya ninyong mga tuhod. Subaya ninyo ang tul-id nga mga dalan aron dili mainutil ang piang ninyong tiil kondili mamaayo hinoon.

Paningkamuti ninyo ang pagpakigdait sa tanang tawo ug sa pagkinabuhi nga balaan kay gawas niini walay makakita sa Ginoo. Pagmatngon kamo nga walay usa kaninyo nga mobiya sa grasya sa Dios. Ug matngoni nga walay usa kaninyo nga mahisama sa mapait nga tanom nga motubo ug makahasol sanubsn pinaagi sa hilo niini.

ANG PULONG SA GINOO.

SALAMAT SA DIOS.

GINOO IKAW RA GAYUD Lyrics

 INTRO: GM-DM-A7-DM-A7

KORO:
GINOO, IKAW RAY NASAYOD
SA KAUGMAON SA AMONG NASOD
IKAW RA GAYUD ANG PAGLAUM
IKAW RA ANG KADANGPAN NAMO KARON

AMO NA BANG NAHIMO ANG TANAN
AMO NA BANG NABUHAT ANG ANGAYAN
DAW WA MAY KAPUSLANAN, ANG TANAN DAW KAWANG LAMANG
GINOO NAGLIBOG KAME, NAGHANGYO KAME  NGA IMONG LAMDAGAN

KASAULOGAN Lyrics

 ANG AWIT SA KALAMGAMAN
ANG HINIYUHUY SA KAHANGINAN
ANG SAYAW SA KADAHONAN,
NAGTUG-AN SA KAHIMAYAAN

KATAWA SA KABATAAN
TALIDHAY ATONG MADUNGGAN
KIDHAT PAHIYOM ATONG MAKIT-AN
KAY KASAULOGAN

KORO:
ANGAY GAYUD NGA MAGLIPAY TA, ANG GINOO PAGDAYGON
SA KAHIUSA, AWITON TA ANG GUGMA
ANGAY GAYUD NGA MAGLIPAY TA
ANG GINOO PAGDAYGON TA
SA KAHIUSA AWITON TA ANG GUGMA

KALIBUTAN Lyrics

 SUD-ONGA ANG KALIBUTAN, KATAHOM NING KALIBUTAN
ANG TANAN HINATAG NATO SA GINOO
SUD-ONGA ANG MGA BATA, SUD-ONGA ANG ILANG KATAWA
INOSENTE NGA NABUHI NING KALIBUTAN

DAGYON TA ANG GINOO Lyrics

 DAYGON TA ANG GINOO, UBAN SA MGA BAG-ONG AWIT
ANG KALIPAY TA ISINGGIT, ANG GINOO LABING HINGPIT
DAYGON TA  ANG GINOO, UBAN SA MGA INSTRUMENTO
ANG KALIPAY TA ISAYAW, O BULAHANG ADLAW

TUGTUGA NA ANG GITARA
IPALANOG NA ANG TRUMPETA
ANG GINOO SA GUGMA, PASALAMATAN TA
TUGTUGA NA ANG GITARA
IPALANOG NA ANG TRUMPETA
SALAMAT GINOO SA IMONG KAAYO

BUTA Lyrics

 PAGKADAGHAN SA NAHIGMATA
NGA MANGANDOY PANG MATULOG
KAY MAS TAM-IS ANG MAGDAMGO, KAY SA MGA DILI TINOOD
ANG SAKSI SA KAMATUORAN, MOPIYONG LANG KASAGARAN
UG MAG ANTOS LANG NGA PASIPAD-AN, ANG GUGMA UG KAANGAYAN

KAY KITA USA RA

INTRO: C-G7-C-G7

KAY KITA USA RA, SA GUGMA NI KRISTO

KON MAMATAY KITA UBAN KANIYA

MABANHAW KITA SA KINABUHING DAYON

1. KON SA IMONG KINABUHI, GUGMA ANG KADASIG, AYAW NA PANGITA UG LAIN PANG BUTANG, KAY ANG GINOO ANAA KANIMO.
2. KON ADUNA KAY IGSOON NAG-ANTOS SA KASAKIT, LIG-ONA ANG PAGTUO SA LANGITNONG GAHOM KAY ANG GINOO MAO ANG PAGLAUM
3. KON ANG IMONG KASINGKASING NAPUNO SA KALIPAY, KALIPAY IHATAG MO SA NAGSUBOD, ANG PAHIYUM MO, MOBALIK KANIMO
4. KON IKAW MANGGI-ANGAYON SA ISIGKATAWO, KALIPAY NGA DIOSNON IMONG MAANGKON, UG MAGPUYO KA SA KALIPAY’NG DAYON
5. KON DAWATON TA ANG GINOO SA BUG-OS NGA GUGMA, KALIPAY NGA DIOSNON ANG ATONG MAANGKON, KAY ANG GINOO LABING MALIPAYON

WAY SAMA

 WAY SAMA, ANG GUGMA
SA DIOS ALANG KANIMO
KINABUHI GIULA, ARON KA MALUWAS
KALAPASAN, KADAUTAN, SA TAWO GIPAPAS
PASAYLO UG GUGMA, GIHATAG SA DIOS

DO-OL KANIYA KAY MAMATI SIYA
UG SALIG SA IYANG GUGMA
KINABUHI TAN-AWA, ANG DIOS PAMATIA
KANUNAY MAGHARI SIYA

GUGMA’G PAGLAUM

INTRO: AM-EM-B7-EM

AYAW’G WAD-A ANG PAGLAUM, BISAN TO-OD SA MGA KADAG-OM

KAY LUYO SA MGA PANGANOD, NAGASIDLAK ANG ADLAW

HUPTAN TA ANG KALIG-ON, ANG KALIG-ON SA PAGTOO

UG GUGMA’NG WAY KAHADLOKAN, O GUGMANG HILABIHAN

💕TAKUS KA💕

                G.     D.     Em

Ginoong Dios,ania ako

         Am.           D        D7

Nagaduol diha Kanimo

    Bm.                     Em

Bayawon ka,awitan ka

    C.                               D.        D7

Kauban sa akong paghigugma

II

      G.            D.   Em

O Dios pasayloa ako

     Am.                     D.       D7

Sa akong mga kasaypanan

                   Bm

Kay ikaw lamang 

                             Em

Ang akong dalangpanan 

            C.          A.       D.          D7

Walay lain kundi ikaw lamang

CHORUS:

                     C.       D

Salamat oh Dios sa gugma

                 Bm.      Em

Mong way kinutuban

         C.               D

Ikaw lamang ang angayang

    G.              G7

Pasalamatan 

                 C.          D.             Bm.  Em

Sa gugma mong dako pa sa kalibutan

   C.                                   D

Ihalad ko ang akong kinabuhi

          C.                 D.             C

Kanimo ako magaawit ,magadayeg

               D.                   C.                  A

Ug magasimba tungod kay takus ka

              D

Takus ka

      D7.                  G

Takus kang pasalamatan